حاضردا ان رئال سناری – حربی عملیاتلارین دایاندیریلماسی، ایتیریلمیش اراضیلرین حقوقی جهتدن تانینماماسی، سلاحلانما و محاربه‌نین یئنی‌دن باشلانماسینا دایم حاضر اولماقدیر.

Axar.az خبر وئریر کی، بونو اوکراینانین کئچمیش خاریجی ایشلر ناظری دمیتری کولئبا اوکراینانین گلجیی اوچون اوچ پوتنسیال سنارینی آچیقلایارکه‌ن دئییب.

"اولا بیله‌جک ان پیس سناری – اوکراینا دولتینین دونیا خریطه‌سین‌دن یوخ اولماسی‌دیر. هر کس اللرینی یانینا سالیب دایانیر. بلکه هانسی‌سا بیر «پارچا» قالاجاق، اما من بونا شبهه ائدیره‌م"، - کولئبا وورغولاییب.

اونون سؤزلرینه گؤره، "اورتا" سناری اودور کی، محاربه حاضرکی جبهه خطی بویونجا دایانیر، اوکراینا حربی جهت‌دن "تیخانیر". عینی زمان‌دا، روسیا اوکراینا مسئله‌سینی تام حل ائتمک اوچون حاضرلاشیر.

"ان یاخشی سناری ایکی حیصه‌یه بؤلونور: قیسامدت‌لی و اوزون مدت‌لی. قیسامدت‌لی پرسپکتیوده – اولدوغوموز یئرده دایانیریق، بیزی آوروپا بیرلیینه قبول ائدیرلر، سلاحلارلا گوجلندیریرلر کی، روسیا هجومونو دفع ائده بیلک. روسیا ایسه اؤز پروبلملری ایله مشغول اولدوغو اوچون یئنی‌دن آقرسیایا ال آتمیر. سونرا پوتین اؤلور و بیز ایتیردیکلریمیزی، هئچ اولماسا، قیسمه‌ن گئری قایتارماق شانسی الده ائدیریک"، – کولئبا قید ائدیب.

بونونلا بئله، کئچمیش ناظر وورغولاییب کی، بو، اولدوقجا اوپتیمیست سناری‌دیر:

"بو گون اوچون رئال سناری – حربی عملیاتلاری دایاندیرماق، اراضیلرین ایتیریلمه‌سینی و ناتو عضولویوندن امتنانی حقوقی جهت‌دن قبول ائتمه‌مک، آوروپایا یاخینلاشماق، سلاحلانماق و امید ائتمک‌دیر کی، محاربه هئچ واخت یئنی‌دن باشلاماز. حاضردا اوکراینانین ماراقلارینا ان اویغون گلن سناری بودور".