هئچ کس آیری-سئچکی‌لیه معروض قالمایاجاغی کیمی، هئچ کیمین ده ایدئولوژی، سیاسی، اقتصادی اوستونلویو و یا امتیازی یوخدور.

Axar.az خبر وئریر کی، بونو تورکیه‌نین ملت‌چی حرکات پارتیاسینین (م.ح.پ) رهبری دولت باخچالی استانبول بؤیوکشهر بلدیه‌سینین صدری اکرم اماموغلونون ساخلانیلماسینا مناسبت بیلدیررکه‌ن ایکس حسابین‌دا قید ائدیب.

«استانبول بؤیوکشهر بلدیه صدری ایله باغلی وئریلن محکمه قرارینا صبر و ساغلام دوشونجه ایله یاناشماق، قانونون وئردیی هر بیر قرارا حرمت ائتمک اورتاق مسئولیت اولمالیدیر. هئچ کیم توخونولماز، الچاتماز دئییل. عدالت و قانونا قارشی چیخماق، حتی اونو مذاکیره‌یه آچماق ایغتیشاش و زوراکیلیق محیطینه دعوت‌دیر. قانونی بیر تدبیری چئوریلیش آدلاندیراراق قارالاماق، حقوق آختاریشی اوچون کوچه‌لره چیخماغا حاضرلاشماق دلی اولموش، عقل و اخلاق سویه‌سینی ایتیرمیش سیاسی فساددیر. من تورکیه محکمه سیستمینه تام گووه‌نیرم. هم فردی، هم ده سوسیال موستویده زوراکیلیغین قارشی‌سینین آلینماسی بیزیم هر زمان حساس اولدوغوموز آکتوال موضوع‌دور»، - پارتیا صدری وورغولاییب.

قید ائدک کی، بو گون سحر استانبول بؤیوکشهر بلدیه‌سی باشقانی اکرم اماموغلو و اونلارلا شخص ساخلانیلیب. اماموغلویا قارشی ترور تشکیلاتی ایله علاقه و کوروپسییا اتهاملاری ایر‌لی سورولوب.