خالقین عوضینه قرار وئرمک، خالقین اراده‌سینی دییشدیرمک و یا بونون قارشی‌سینی آلماق اوچون گوج تطبیق ائتمک چئوریلیشدیر. حاضردا خالقین نوبتی پرزیدنتی تعیین ائتمه‌سینه مانع اولاجاق قوه وار.

Axar.az خبر وئریر کی، بونو ج.ح.پ صدری اؤزگور اؤزل استانبول بؤیوکشهر بلدیه‌سی صدری اکرم اماموغلونون ساخلانیلماسینا مناسبت بیلدیررکه‌ن دئییب.

«بیز نوبتی پرزیدنتیمیزه قارشی چئوریلیش جهدی ایله اوز-اوزییک. ملتیمیز اؤز دولتینی سئویر، اما کیملرسه طرفیندن دولت خالقین قارشی‌سینا چیخسا، خالق بونا امکان وئرمز. اصل گوج خالق‌دیر و سوندا یئنه ده خالق قازانار. سون‌دا یئنه ملتین دئدیی اولاجاق و تورکیه غالیب گله‌جک»، - پارتیا صدری بیلدیریب.

آنکارا بؤیوکشهر بلدیه‌سینین صدری، ج.ح.پ-جی منصور یاواش دا پارتیا یولداشی ایماموغلونون ساخلانیلماسینا کسکین اعتراض ائدیب:

«بو اؤلکه‌ده قانونون عالیلیینی، دموکراتییانی و خالقین اراده‌سینی مدافعه ائد‌ن هر کس بیلمه‌لیدیر کی، سئچیلمیش بلدیه صدرینه قارشی بو جهدلر قبول ائدیلمزدیر. دونن دیپلومون لغوی (استانبول اونیوئسیتتی اماموغلونون دیپلومونو «یوخلوق» و «آچیق خطا» سببی ایله لغو ائدیب – رئد.)، بو گون سحر ساعتلاریندا دا اماموغلونون ائوینین قارشی‌سینا توپلاشان پلیس و اونلارین کومانداسینا قارشی حبس پروسدورلاری... بو منظره حقوقی دولته یاراشماز. ساخلانما سببی بیلینمه‌سه ده، داها اول محکمه‌یه گئدیب افاده وئره‌ن بلدیه صدرینین بو گون ساخلانیلماسی نیین گؤستریجی‌سی‌دیر؟ حقیقتاً عدالت آختاریرسانسا، ایلک نوبه‌ده حقوقون اساس پرینسیپلرینه عمل ائتمه‌لی‌سن. بیلینمه‌لیدیر کی، ملتین اراده‌سینه ضد هئچ بیر مداخله جواب‌سیز قالمیر. غیری-قانونی اصوللارلا، تضییق و تهدیدلرله حیاتا کئچیریلن بو تجروبه‌لردن ان بؤیوک ضرری دموکراتیامیز گؤره‌جک. اما بیز سوسمایاجاغیق! هئچ کیم اونوتماسین: اکرم تک دئییل!»