عادتا دؤش سومویو آرخاسیندا یانغی حیسی و یانمانین قیدا بوروسو بویو یوخارییا دوغرو یاییلماسی معده قیجقیرماسی آدلانیر.

یاناشی اولاراق معده‌ده دولولوق حیسی، آغیزدا آجیلیق و یا تورش داد حیس اولونا بیلر. خسته اییلنده و یا اوزاناندا دؤش سومویو آرخاسیندا یانما حیسی آرتیر.

دؤش سومویو آرخاسیندا یانمایا سبب معده محتویاتینین قیدا بوروسونا آتیلماسیدیر. آقرسیو معده شیره‌سی قیدا بوروسونون دیوارلارینی قیجیقلاندیریر و دؤزولمز یانما حیسی یارادیر.

معده قیجقیرماسی داها چوخ قیدالانمانین پوزولماسی، خصوصاً ده قورو قیدالارین آیاق اوستو یئییلمه‌سی، قهوه و توند چایدان حددن آرتیق ایستیفاده نتیجه‌سینده عمله گلیر. بیر سیرا حاللاردا قارینداخیلی تضییقین آرتماسی دا عینی کلینیک منظره یارادیر. داها چوخ حامیله‌لیک، کمرین چوخ سیخ باغلانماسی و آغیر اشیالارین متمادی قالدیریلماسی زامانی بئله حاللار باش وئریر. معده قیجقیرماسی دیافراقما ییرتیغی زامانی دا آپاریجی علامتلردن بیری اولور.

قیجقیرما تکجه دؤش سومویو آرخاسیندا عمله گلن و خسته‌نی ناراحات ائد‌ن خوشاگلمز حیس دئییل. هضم شیره‌لرینین دایمی اولاراق قیدا بوروسونا دوشمه‌سی اونون آشاغی حیصه‌سینده آروزییا، خورا، آغیر حاللاردا ایسه حتی قیدا بوروسو خرچنگینین اینکیشافینا سبب اولور.

بوندان باشقا معده محتویاتی قیدا بوروسونون یوخاری شعبه‌لرینه و قیرتلاغا قدر آتیلدیقدا خسته‌ده اؤسکورک، حتی سس توتولماسی عمله گلیر.