نیدرلانددا سیچانلار اوزرینده آپاریلمیش سیناق دونیا عالیملرینین ماراغینا سبب اولوب.

آخار. آز خبر وئریر کی، نیدئرلاندین ائرازموس اونیوئرسیتئتین‌ده سیچانلار اوزرین‌ده آپاریلان سیناق نتیجه‌سین‌ده اونلارین بعضی اورقانلارینین فعالیتینی اوولکی وضعیتینه گتیرمک مومکون اولوب. یعنی اینکیشاف‌دان قالمیش بیر سیچانا بو پرئپارات وئریلدیک‌دن سونرا بده‌نین‌ده یئنی‌دن توکلر چیخماغا باشلاییب، قاراجیر و بؤی‌رکلرینین فونک‌سییاسی قوووتلنیب.

حاضردا آراش‌دیرمانی حیاتا کئچیره‌ن قروپ درمانی اینسان اوزرین‌ده سیناق‌دان کئچیرمیی دوشونور.

هکیم پیتئر کئیزئرین ببج-یه وئردیی آچیقلامایا گؤره، اینسانلار بو آراش‌دیرماسینا گؤره اونون دلی اولدوغونو دوشونور:

«کئچه‌ن ایل یئنه سیچانلار اوزرین‌ده آپاریلان تجروبه‌ده یاش‌لی هوجئیره‌لرین اؤز-اؤزلرینی محو ائتمه‌سی موشاهی‌ده اولونموش‌دو. بو اصوللا سیچانلارین اؤمرونو معین قدر اوزاتماق مومکون ایدی. بو آراش‌دیرما ایسه یاش‌لی هوجئیره‌لرین محو ائدیلمه‌سی ایله بیرباشا اولاراق یاشلانمانین قارشی‌سینی آلیر.

اینسان یاشلاندیقجا هوجئیره‌لر اینکیشاف‌دان قالیر و اورقانلارین فونک‌سییاسی گئتدیکجه زیفلییر. اینانیریق کی، بو سیناق‌دان سونرا ایستدییمیز نتیجه‌نی الده ائدجییک».

قئید ائدک کی، جاوان‌لیق ایکسیری ایله باغلی تجروبه‌لر آرتیق خئی‌لی مدت‌دیر موختلیف عالیملر طرفین‌دن آپاریلیر.