آنی اؤلوم معاصر طبده ان چوخ سوال دوغوران پروبلئمدیر. بعضی حاللاردا بو حالین دقیق سببینی تعیین ائتمک مومکون اولمور.

ان بؤیوک فاجعه بوندان عبارت‌دیر کی، آنی اؤلوم تئز-تئز جاوان و ساغلاملیقلا باغلی هئچ بیر جدی پروبلئمی اولمایان اینسانلاری یاخالاییر و اونو قاباقجادان پروقنوزلاشدیرماق مومکون دئییل.

بعضی ایستاتیستیک معلوماتلارا گؤره، هر ایل ۸۰۰ مینه قدر اینسان آنی اؤلوم کئچیردیر.

اوزون ایللر عرضینده آنی اؤلوم پروبلئمینی آراشدیران روس پروفسور، طب علملری دوکتورو شیروکوو آنی اؤلومه مئییللی اولان اینسان تیپلرینی آییرد ائدیب.

ساغلام ولون. آذ-این معلوماتینا گؤره، آنی اؤلومونون ریسک فاکتورلاری بونلاردیر:

۱. کیشی جینسی. آنی اؤلومون ایستاتیستیکاسی گؤستریر کی، بو حالا کیشیلر داها مئییللیدیر. عالیم حتی بو کیشیلرین "پورترتینی" ترتیب ائدیب - آقرسیو، اودوزماغی خوشلامایان، حدیندن آرتیق چوخ ایشله‌یه‌ن، دینجلمیی باجارمایان، کالوریلی، ادویاتلی قیدالاری خوشلایان کیشیلر. عصبلشن‌ده بو کیشیلرین اوزو قیزارمیر، عکسینه آغاریر. بونون سببی دامارلارین کسکین سیخیلماسیدیر.

۲. ایدمانچیلار. پروفسیونال ایدمان بدن تربییه‌سی ایله موقایسه‌ده اینسانی ساغلام ائتمیر. عکسینه گوجلو گرگینلیکلر، ایدمانچیلارین ایستیفاده ائتدیی دوپینگ و س. خصوصی درمانلار اورگانیزمی محو ائدیر.

۳. ایسپیرت‌لی ایچکیلرده سوء-ایستیفاده ائد‌نلر.

۴. پسیخی خسته‌لر. بو خسته‌لر پسیخوتروپ درمان پرئپاراتلارینی قبول ائدیر کی، اونلارین قبولو دا آنی اؤلوم ریسکینی آرتیریر.

۵. ایرسیت.