اوشاغین جین‌سینین تعیینینه گؤره معایینه‌نین آپاریلماسینین و جینسی منصوبیته گؤره حامیله لیین صنعی پوزولماسینین قاداغان اولونماسی گیزلی آبورتلارین سایینی آرتیراجاق. بعضیلری قونشو اؤلکه‌لرده آبورت ائتدیره‌جک، بعضیلری تانیشلارینا ائتدیره‌جک. بونون اوچون هر زامان وورغولامیشام کی، قاداغالاری معاریفلندیرمه ایشلری آپارمادان قبول ائتمک دوزگون دئییل.

بو سؤزلری آخار. آذ-ا آچیقلاماسیندا سوسیولوق احمد قشم اوغلو دئییب. او بیلدیریب کی، اوغلانلارین سایینین چوخالماسی پروبلم یاراتمایاجاق:

«سون واختلار سؤز-صحبت وار ایدی کی، اوغلانلار چوخ دوغولور، قیزلاری ایسه آبورت ائدیرلر. هر زامان دئمیشم کی، اوغلانلارین چوخ دوغولماسی هئچ بیر پروبلم یاراتمیر. چونکی اوغلانلار چوخ واخت اؤلکه‌دن خاریجه گئدیر و بونا گؤره اونلارین سایی آزالیر. اوغلانلارین چوخ دوغولماسی دموگرافیق جهتدن چوخ یاخشی حالدیر. بو گؤستریجی معنوی جهتدن قورخولو بیر ایستاتیستیکا ایدی کی، اینسانلار اؤز قیز اؤولادلارینی قتل ائدیرلر. بو اینسانلاردا معنوی ضربه‌یه، دینسیزلییه، عینی زاماندا خوشا گلمه‌یه‌ن پسیخولوژی آشینمالارا سبب اولور. اونا گؤره ده طبیعی کی، بونون قارشی‌سی آلینمالی ایدی.

۸ کیشی‌دن بیری ائوله‌نمک اوچون قیز چاتیشمازلیغی پروبلمی ایله اوزلشه‌جک خبری اساسسیز ایدی. بئله شیلر اولمایاجاق. عکسینه، اوغلانلار خاریجی اؤلکه‌لره گئدن زامان قیزلار چوخ قالیر و پروبلم یارانیر».

سوسیولوق قید ائدیب کی، قیز اؤولادینین دوغولماسینا گؤره بوشانمالارین باش وئرمه‌سی حاللاری خیلی آزالیب:

«بونا گؤره ده حساب ائدیره‌م کی، حامیله لیین صونعی پوزولماسینین قاداغان ائدیلمه‌سی بوشانمالارا تأثیر ائتمه‌یه‌جک. اونسوز دا قیز اؤولادینین دوغولماسینا گؤره بوشانما احتیمالی اولان شخصلر آبورت اوچون موختلیف یوللار آختاریب تاپاجاق».

قید ائدک کی، «رپرودوکتیو ساغلاملیغین قورونماسی حاقیندا» قانون لاییحه‌سینه اساساً، اؤلکه‌میزده جینس ایله باغلی ارثی خسته‌لیکلرین کئچمه احتیمالی یوکسک اولدوغو حاللار استثنا اولماقلا، اوشاغین جینسینین تعیینینه گؤره معایینه‌نین آپاریلماسی و جین‌سی منصوبیته گؤره حامیله لیین صونعی پوزولماسی (سلکتیو آبورت) قاداغان اولونور.