غفلتا اورک دایانماسی سون واختلار، خصوصاً، گنجلر آراسیندا آرتیب. بعضا تامامیله ساغلام آدامین اوره یی غفلتا دایانیر. «بروقادا سیندرومو» دئییلن بیر بلا پئیدا اولوب.

آخار. آذ خبر وئریر کی، بو سؤزلری تانینمیش حکیم واقیف قارایئو قئید ائدیب. او بیلدیریب کی، بعضا ائکق معایینه‌سی زامانی اینسانین اؤلومون بیر آددیملیغیندا اولدوغو اوزه چیخیر:

«اما همیشه بئله اولمور. اکثر حاللاردا اینسانلار اؤلومه قدر اورک-قان دامار سیستمینده پروبلئملر یاشاییر. اوره یین غفلتا دایانماسی ژورنالیسته، حکیمه، پینه‌چییه باخمیر. واختیندا موداخیله اولونماسا، غفلتا دایاناجاق.

ضررلی وردیشلر، آرتیق چکی، آرتئریال تضییقین یوکسک اولماسی، دیابت، هیپودینامییا (حرکتسیزلیک) و س. ریسک فاکتورلاری‌دیر. واختاشیری بعضی معایینه‌لردن کئچمک لازیم‌دیر. «واختیم، پولوم یوخدور» دئیه‌نلر هر گون کافئ-رستورانلاردان شکیل پایلاشیرلار. نوش اولسون، اما ایلده بیر دفعه ده اولسا، کاردیولوقونوزا مراجعت ائدین».

قئید ائدک کی، اؤتن گون تانینمیش ژورنالیست نجات ملیکوو ۳۹ یاشیندا اینفارکت‌دان دونیاسینی دییشیب.