حکیملر خرونیکی یوخوسوزلوغون فسادلاریندان دانیشیبلار.

پوب‌لیکا. آذ خبر وئریر کی، گئجه یوخوسو زامانی اورگانیزم سیتوکین آدلی خصوصی کیمیوی ماده ایفراز ائدیر. بو ماده چوخسایلی ویروس و اینفکسییالارین ایممون سیستمینه منفی تأثیرینین قارشیسینی آلیر. بوندان علاوه پیونددن سونرا اورگانیزمده آنتی‌جیسیملرین یارانماسی یوخونون کیفیتیندن آسیلیدیر.

سون تدقیقاتلارا اساساً سوتکادا بئش و داها آز ساعت یاتانلاردا دیگرلرینه نیسبتا پیله‌نمه ریسکی ایکی دفعه آرتیقدیر. بونا سبب خرونیکی یوخوسوزلوغون توخلوق و آجلیغا جوابده هورمونون ایفرازینین ضعیفله‌مه‌سی‌دیر. بو هورمونون بالانسینین پوزولماسی دایمی آجلیق حسینه سبب اولور.

خرونیکی یوخوسوزلوق اورک-دامار خسته‌لیکلری ریسکینی آرتیریر، آرتریال تضییقی یوکسلدیر. متخصصلرین فیکرینجه بئش ساعتدان آز یاتانلارین اورگانیزملری گلوکوزانین ترانسفورماسییاسینی ضعیفله‌دیر کی، بو دا قاندا شکرین آرتماسینا سبب اولور.

یوخودا اورگانیزم درینین الاستیکلیینه جاوابده هورمونلار ایفراز ائدیر. بو هورمونلار قیریشلارین عمله گلمه‌سین‌ده حل ائدیجی رول اویناییر. یاخشی یوخو دری حجیره‌لرینین برپاسینی یاخشیلاشدیریر، سربست رادیکاللارین اونلارا منفی تأثیرینی آزالدیر.

یوخوسوزلوق سوموک کوتله‌سینین فورمالاشماسینا مانعه‌لر تؤره‌دیر. بو فاکت ایسه سوموکلرین زده‌له‌نمه‌سینه سبب اولان بیر سیرا خسته‌لیکلر یارادا بیلیر.

یوخوسوزلوق اورگانیزمه یالنیز فیزیکی ضرر وئرمیر، دپرسییالارا، پسیخی پوزونتولارا دا سبب اولور.