یئنی‌دوغولموشلاردا «دابان تئستی»نین آپاریلماسی اولدوقجا یاخشی معلومات‌دیر. اوشاقلارین ساغلام اینکیشافی اوچون بو تئست واجیب‌دیر.

آخار. آذ خبر وئریر کی، بو سؤزلری پئدیاتر واقیف قارایئو آذربایجان‌دا «دابان تئستی» موایینه مئتودونون تطبیقی ایله باغلی دانیشارکن دئییب.

پئدیاتر حساب ائدیر کی، اوشاقلارین عقلی و فیزیکی اینکیشافیندا، بعضی داخیلی اورگانلاردا جدی پروبلملر یارادان ارثی خسته‌لیکلرین واختین‌دا آشکار اولونماسین‌دا اولدوقجا واجیب تئست‌دیر:

«یئنی‌دوغولموشلارین سکرینینگی ده دئییرلر بونا. "دابان تئستی" اوشاق حیاتینین ۴-جو (یاریمچیق دوغولانلاردا ۷-جی) گونونده آپاریلیلان معایینه مئتودودور. دونیانین بیر چوخ اؤلکه‌لرین‌ده بو تئست آپاریلیر. سون واختلار بیزیم والیدئینلر ده ماراق‌لانیر. بیر چوخلاری ناراحات اولور بونا گؤره. معلوماتا گؤره آذربایجان‌دا دا بو تئستین آپاریلماسینا حاضرلیق گئدیر. بو اولدوقجا موثبت حال‌دیر و یاخشی خبردیر. اوشاقلارین ساغلام گله جه یی باخیمیندان اهمیتلی آددیم‌دیر».

تیبب اوزره اکسپرت، پروفسسور عادیل غیبوللا «دابان تئستی»نین تطبیقینه گؤره ناراحات اولان والیدئینلره بیلدیریب کی، بو تیپ آنالیزلرین گؤتورولمه‌سینین اوشاغین صحتینه هئچ بیر زیانی یوخ‌دور.

خاطیرلاداق کی، «دابان تئستی» آنالیزی واسطه‌سیله اوشاقلیقدا یاراناجاق عقلی گئریلیین قارشیسینی تامامیله آلماق مومکون‌دور. اگر هیپوتیروی‌دی وارسا، ووجوددا مؤوجود اولان واجیب هورمون یوخدورسا، درمانلاردان ایستیفاده ائدیله‌رک یارانا بیله‌جک فسادلارین قارشیسینی آلماق اولور.