متخصصلر آزیاشلی اوشاقلارین ساچلارینین اوزادیلماسینا قارشیدیرلار. خصوصیله ده اوغلان اوشاقلارینین ساچلارینین واختلی-واختیندا کسیلمه‌سینین طرفداریدیرلار.

آخار. آذ عائلم. آز-آ ایستینادن بیلدیریر کی، متخصصلرین بئله دوشونمه‌لرینین اصل سببی ایسه پسیخولوژی معنادا اوشاقلارین جینسی شخصیتلریندن تأثیرلنه بیله‌جکلری‌دیر.

عمومیتله، متخصصلر حساب ائدیر کی، والیدئینلر اوشاقلارینین ساچلارینی اوزاتماق ایستییرلرسه، ۳-۴ یاشیندان سونرانی گؤزله مه لیدیرلر. بس نه اوچون ساچ اوزاتماق اوچون ۳-۴ یاشدان سونرانی گؤزله‌مک لازیم‌دیر؟ بو یاشلارا قدر گئجیکدیریلمه‌سینین سبب اودور کی، اوزون ساچلار تؤکولن و یا قوپان زامان توکلر اوشاقلارین اللرینه دولانا بیلر و بو توکلری آغیزلارینا آپارا بیلرلر. بو دا اوشاقلاردا بیر چوخ پروبلملره سبب اولا بیلر.

اوزون ساچا قوللوغون چتین اولماسی ایله برابر ترله‌مه‌یه ده سبب اولدوغو اونودولمامالی‌دیر. همچینین قیسا ساچ درینین ضرر گؤرمه‌سینه ده انگل اولاجاق.