هاوالارین ایسینمه‌سی، گونلرین اوزانماسی، گونشین داها چوخ گؤرونمه‌سی، اینسان بدنین‌ده‌کی بیوریتیملرین و هورمونال بالانسلارین کسکین دییشمه‌سی باهار، یاز دپرسییاسی یارادیر. آپرل آیینین گلیشی ایله اکثر اینسانلاردا بو جور دپرسیو حال یاشانیر.

آخار. آذ خبر وئریر کی، بو سؤزلری حکیم-پسیخیاتر آذر باغیروو «یاز دپرسییاسی» آدلانان پسیخولوژی وضعیتدن دانیشارکن دئییب.

پسیکیاترین سؤزلرینه گؤره، قیشدان ینیجه چیخان اینسانین بیردن-بیره آز یاتماسی، قیش رژیمینه اؤیرشدیی حالدا یئنی‌دن یاز رژیمینه کئچمه‌سی اونون احوالینا تأثیر ائدیر:

«بو آیلار هر بیریمیز اوچون عینی انرژی و روح حالی ایله کئچمیر. باهار هاواسی وارکن، اینسان داها چوخ یاتماق، یاتاقدان چیخماماق ایستییر. هر ایل باهارین گلمه‌سی ایله باشلایان و یاشانان بو دویغو دورومو «یاز دپرسییاسی» آدلانیر. بو، هر ایلین عینی فصلین‌ده تکرار اولونان اوزونتو حالیدیر. بو مدت عرضینده عصبی‌لیک، یوخو دوزه‌نینین پوزولماسی، انرژی ایتیریلمه‌سی، ایشتاه دییشیکلیگی، جینسی ایمپولسلارین - یعنی جینسی ایستیین آرتماسی کیمی سیمپتوملار اؤزونو بوروزه وئریر. بو حال ۲ هفته‌دن داها چوخ داوام ائدیرسه، دئمک، باهار دپرسییاسینین تأثیرینه دوشموسونوز».

پسیکیاترین سؤزلرینه گؤره، بو دپرسییا حالی ضعیف اولاراق باشلاسا دا، معین زامان ایچریسینده آغیرلاشیر:

«کئچیجی اولدوغونو ظن ائتدیینیز باهار دپرسییاسی قالیجی بیر وضعیت آلاراق، متمادی بیر دپرسییا حالینا چئوریله بیلر. باهار دپرسییاسین‌دان تئز بیر زامان‌دا قورتولماق اوچون یوخودان ائرکن قالخماق، سو ایچمک و چوخلو حرکت ائتمک لازیمدیر. اؤزوموزو بیر آز مجبور ائد‌رک ائرکن قالخماغا چالیشمالیییق. بینیمیزی اولجه‌دن بونا حاضرلاماق واجیب‌دیر».