اوره ییمیز دؤش قفسیمیزین ایچریسینده گئجه-گوندوز آرامسیز اولاراق و صاحبینه هئچ بیر خبردارلیق ائتمه‌دن ایشلییر. چوخ تأسف کی، اوره یین ایلک خبردارلیغی اکثر حاللاردا بیرینجی اینفارکتلا وئریلیر. حالبوکی غرب‌ده هر دؤرد نفردن بیری اورک-دامار سیستئمینین خسته‌لیکلریندن حیاتینی ایتیریر.

اما اوره یین هئچ ده یاخشی ایشلمه دیینی هله اینفارکتلاردان اول ده گؤستره‌ن بیر سیرا علامتلر وار.

بو علامتلره خصوصی دقت یئتیریلمه‌لی‌دیر.

۱. قولاغین آشاغی حیسه‌سینین قیریشماسی

قولاغین سیرغا حیسه‌سینده یارانان دیاقونال قیریش بعضا «فرانک ایشاره‌سی» آدلانیر. بو قیریشین یارانماسینا ایلک دفعه دقتی آمئریکا دوکتورو ساندئرس فرانک جلب ائدیب. سونراکی آراشدیرمالار گؤستریب کی، قولاق سئیوانینین آشاغیسیندا، ساللاق حیسه‌ده یارانمیش بؤیوک دیاقونال قیریشلا قان دامارلارینین کیرجلشمه‌سی آراسیندا بیرباشا علاقه مؤوجوددور.

قولاق سئیوانینداکی قیریشلا داخیلده‌کی آرتئرییالار آراسینداکی علاقه‌نی ۴۰-دان آرتیق تدقیقات گؤستریب، لاکین بونون نیه بئله اولدوغو تام بللی دئییل.

۲. درینین آلتینداکی پی دویمه‌لری

علم‌ده "خانتهوماس" کیمی تانینان بو ساریمتیل پی دویونلری عادتن دیرسکلرده و دیز اطرافلاریندا اولور. لاکین اونلارا گؤز قاپاقلاریندا و یانبیزلاردا دا راست گلینیر. بو بالاجا شیشلر اؤزلویونده تهلوکه‌لی دئییل، لاکین اونلار داها بؤیوک پروبلئمدن سیگنال وئره بیلر.

خانتهوماسلارا، عادتن، «عائله هیپرخولسترولمییاسی» دئییلن ارثی خسته‌لیگی اولان اینسانلاردا راست گلینیر. بو خسته‌لیگی اولان اینسانلاردا بیر قایدا اولاراق لیپوپروتئین خولسترولونون، "پیس خولسترولون" میقداری یوکسک اولور. تأسف کی، بو پی دویونلرینه اوره یی قیدالاندیران آرترییالاردا دا راست گلینیر.

۳. چوماغابنزر بارماقلار

بارماق اوجلارینیزین چوماغابنزر اولماسی اوره یینیزین پروبلملی اولماسیندان خبر وئره بیلر. بئله بارماقلار، عادتن، آغریلارا سبب اولمور.

لاکین بئله بارماقلار اوندان خبر وئریر کی، اطرافلارداکی قان دامارلارینا کیفایت قدر قان چاتمیر.

بو، اصلینده، اوره یین خستلیینی گؤسترن قدیم طیبی علامتلردن‌دیر. بونلارا بعضن ائله بو سبب‌دن «هیپپوکرات بارماقلاری» دئییرلر.

۴. گؤز ببکلرینین اطرافینداکی حلقه‌لر

پی دویونلری گؤزلرده ده اولا بیلیر و عادتن، ببیین اطرافینا توپلانیر. حلقه‌لر اینکیشاف ائتمه‌یه آشاغیدان و یوخاریدان باشلاییر و نتیجه‌ده تام حلقه شکلینی آلیر. بو حال گؤزون گؤرمه‌سینه تأثیر ائتمیر.

۴۰ یاش‌دان یوخاری اینسانلارین ۴۵ فایزین‌ده بو حلقه‌لری گؤرمک مومکوندور. ۶۰ یاشدان سونرا ایسه اونلاری اینسانلارین ۷۰ فایزین‌ده موشاهیده ائدیرلر.

۵. داماق چورومه‌سی و دیشلرین دوشمه‌سی

آغیز بوشلوغونون وضعیتی عمومی ساغلاملیغی گؤستره‌ن فاکتوردور. باکترییالارلا دولو آغیزلاردا هم یاخشی، هم ده پیس باکترییالار اولور. پیس باکترییالار قان-دامار سیستمینه کئچه‌رک ایلتیهاب پروسسلرینه و قان-دامار خسته‌لیکلرینه سبب اولا بیلر. تجروبه‌لر گؤستریر کی، پارودانتوز، عادتن، اورک خستلیینین خبرچی‌سی‌دیر.

۶. ماوی دوداقلار

ساغلاملیغین یئرینده اولماماسینی گؤستره‌ن داها بیر ظاهری علامت دوداقلارین گؤیلویودور. دوداقلارین گؤیلویو عادتن اوره یین خستلییندن خبر وئریر. دوداقلار، البته، شاختادان دا گؤیره بیلر. لاکین بو موقتی حال‌دیر و ایستی اوتاقدا اؤتوب کئچمه‌لی‌دیر.