آمریکالی عالیملر اینسانین یئنی اورگانینی – اورگانلارین بیرلشدیریجی توخومالارینی دلیب کئچن و مایع ایله دولو میکروسکوپیک کاناللار شبکه‌سینی کشف ائدیبلر.

اوخو. آذ خبر وئریر کی، بو باره‌ده عالیملر «ساینتیفیک رپورت» ژورنالینا دانیشیبلار.

حکیملر تصادفا اندوسکوپییا زامانی پاسینتین معده-باغیرساق یولونو داخیلدن معایینه ائدرکن کاناللار شبکه‌سینی آشکار ائدیبلر. اؤد آخارینین معایینه‌سی زامانی اوللر دوشونولدویو کیمی، اونون اطرافینداکی توخومالارین سیخ و همجینس اولمادیغی، نامعلوم کاناللارین اونلاری دلیب کئچدیینی تثبیت ائدیبلر.

اولجه تدقیقات‌چیلار قرارا گلیبلر کی، اونلارین قارشی‌سینداکی، ساده‌جه، کاپیلیارلاردیر، لاکین میکروسکوپیک تدقیقاتلار زامانی مایع ایله دولو اولان کاپیلیارلار اؤزلری قارالمالی، اونلارین آراسینداکی توخومالار ایسه داها آچیق رنگده اولمالیدیر. عالیملرین قارشی‌سیندا ایسه تمامیله باشقا منظره اولوب.

دیگر اورگانلاری، همچینین بورون توخومالارینی آراش‌دیران تدقیقات‌چیلار آیدینلاشدیریبلار کی، بو کاناللار اونلاردان دا کئچیر. عالیملر گومان ائدیرلر کی، مایعلرین دؤور ائتدیی، اورگانیزمده‌کی مایعنین ۱/۵ حیصه‌سینی اؤزونده ساخلایان بو کاناللار، یئنی اورگان ساییلیر و اورگانیزمده‌کی بوتون توخومالارا توخومالاردان کئچه بیلر.

عالیملر آچیقلاییرلار کی، بو میکروسکوپیک کاناللار باره‌ده اوللر هئچ بیر معلومات یوخ ایدی، چونکی توخومالارین ایستاندارت تدقیقات متودو کوللاگئن لیفلرین داغیلماسینا و مایئنین آخماسینا گتیریب چیخاریردی.

تدقیقات‌چیلارین فیکرینجه، یئنی اورقان آمورتیزاسییا فونک‌سییاسینی داشیییر و بو شکیل‌ده اورگانی قورویور.

اونلار گومان ائدیرلر کی، بو کاناللار خرچنگ هوجئیره‌لرینین لیمفاتیک سیستئمه داخیل اولماسینا و دیگر اورقانلاردا تئز یئرلشمه‌سینه شرایط یاراداراق، خرچنگین متاستازینا ایمکان وئره بیلر.

تدقیقات‌چیلار کانال‌داکی مایعنین آنالیزینی خرچنگین ارکه‌ن دیاقنوستیکاسی اوچون ایستیفاده ائدیله بیلمه‌سینی آراشدیرماغا حاضیرلاشیرلار. بوندان باشقا، اونلار یئنی اورگانین دیگر ایلتیهابی خسته‌لیکلرله علاقه‌لی اولوب-اولماماسیندان شوبهه‌لنیرلر.