هاوالارین کسکین ایستیلشمه‌سی بؤیوکلردن چوخ، اوشاقلارین صحتینه منفی تأثیر گؤستریر. اوشاقلار کوچه‌ده اویناماغا هوسلی اولدوقلارینا گؤره اونلارین گونشین تأثیرینه داها چوخ معروض قالدیقلارینی دئیه بیلریک.

بس اوشاقلاری بئله ایستی هاوالاردا گونوورمادان نئجه قورویاق؟

آخار. آذ خبر وئریر کی، گونش‌لی هاوالاری نظره آلاراق والیدئینلر اوشاقلاری سحر ساعت ۱۱-دن ۱۷:۰۰-دک کوچه‌یه بوراخمامالیدیرلار. اگر بالاجالاری چؤله چیخارماق مجبوریتینده قالسالار، موطلق اوشاغین باشینا پاپاق قویمالی و یا چتیر توتمالیدیرلار. بوندان باشقا، ایینه یاپیشمایان، سینتتیک اولمایان گئییملره اوستونلوک وئریلمه‌سی توصیه اولونور.

اوشاقلارا بول مایع، آیران، فایدالی قیدالار وئریلمه‌لیدیر. متخصصلرین فیکرینجه، بئله ایستی گونلرده اوشاقلارا داواملی اولاراق چای و شیرین چای وئریلمه‌سی دوزگون دئییل. بونون عوضینه عادی سو وئرمک لازیمدیر.

اوشاقلاری ایستیدن قوروماغین ان گؤزل یوللاریندان بیری ده اونلاری گون عرضین‌ده تئز-تئز چیمیزدیرمکدیر. گونده ۲ دفعه گونون ایستی ساعتلاریندا چیمیزدیرمک داها مصلحت‌دیر.

بئله هاوالاردا اوشاقلارا یاغلی و آغیر قیدالار وئرمک دوغرو دئییل. اوشاقلار یونگول قیدالانمالی، بول ویتامینلی، آسان هزم اولونان یئمکلر یئمه‌لی‌دیر.

اگر اوشاغینیزدا قوسما، باشاغریسی، حرارتین یوکسلمه‌سی، حالسیزلیق، سوستلشمه، ایشتاهاسیزلیق موشاهیده ائتمیسینیزسه، بو، گون وورمانین علامتلردیر. ایلک یاردیم اوچون اوشاغا دوش آلدیرماق، سرین یئره آپارماق و سیمپتوملارا گؤره قیزدیرما وارسا، قیزدیرمانی دوشورمک لازیمدیر، بئله حاللاردا تعجیلی یاردیم چاغیرماق موطلقدیر.

ایستی‌دن قورونماق اوچون کوندیسیونئردن ده دوزگون ایستیفاده ائتمک لازیمدیر کی، باییردان ائوه گیررکن هاوانین تمپراتورو بیردن-بیره آشاغی دوشدویو اوچون اورقانیزمه پیس تأثیر ائتمه‌سین. ائوده تمپراتور ۲۴-۲۵-دن آشاغی اولمامالیدیر.