آنا صحیفه ساغلیق |
ایرانلیلارین ۵۰ فایزی ۷۰ یاشلارینی گؤرمورلر.
آذنیوز. تی وی خبر وئریر کی، ایران ساغلیق ناظیرلیینین تدقیقات و تکنولوگییا دیرکتورونون معاوینی دوکتور رضا ملکزاده دئییب. او بیلدیریب کی، ایراندا ایلده ۳۷۵ مین اؤلوم قئیده آلینیر. اونلارین یاریسی واختسیز اؤلوملردیر.
«ایراندا هر ایل اؤلن اینسانلارین ۵۵ مینی ۵۵ یاشلارینی گؤره بیلمیرلر. حالبوکی اینکیشاف ائتمیش اؤلکهلرده واختیندان اول اؤلوم نیسبتی ۱۵-۲۰ فایزدیر. دوزگون پلانلاشدیرما ایله واختیندان اول اؤلوم حاللارینی آزالدا بیلریک. ایرانلیلارین ۳۳ فایزی اورک، ۱۵ فایزی ایسه بئیین سکتهسی سببی ایله اؤلور. باشقا سؤزله، ایراندا اؤلنلرین تخمیناً یاریسی اورک و بئیین زدهلهنمهسی ایله علاقداردیر. اؤلکهده اؤلوملرین ۲۰% -ی خرچنگدن، ۱۰% -ی ایسه قزالاردان قایناقلانیر»، – دئیه او، قئید ائدیب.
همچینین، یوکسک قان تضییقی واختیندان اول اؤلومون اساس سببلریندندیر. ملیکزاده بوندان اول یوکسک قان تضییقیندن اؤلنلرین سون ۲۵ ایلده ۳۹ فایز آرتدیغینی سؤیلمیشدی. ایراندا هیپئرتانسییالی اینسانلارین سایی ۱۵ میلیون نفردیر. دئمک، هر ۵ نفردن بیری یوکسک قان تضییقیندن اذیت چکیر.
ایرانین پزشک قانونی تشکیلاتینا گؤره، اؤلکهده باش وئرهن آنورمال اؤلوملرین سببی یول قزالاری و نارکوتیک مادهلرله الاقداردیر. سکته، خرچنگ و قزالاردان سونرا بؤیرک خستهلیگی، آغجیر و قاراجیر خستهلیکلری ایراندا اؤلوم سببلری سیراسیندا ایلک پیللهلرده قرارلاشیر.
طبیعی اولاراق ایراندا واختیندان اول اؤلوم ریسکلرینه یوکسک قان تضییقی، قان لیپیدلری، قان گلوکوزاسی، پیلهنمه، تحروکسوزلوق، دوز ایستیفادهسینین دونیا اورتالاماسیندان ایکی دفعه چوخ اولماسی، تیریاک و توتون ایستئهلاکی، ایسپیرتلی ایچکیلرین قبولو، ساغلام اولمایان قیدالارین ایستیفادهسی، تزه میوه و پئنجرلرین ایستیفاده اولونماماسی، گئنئتیک قیدلر عایید اولا بیلیر. بو عامللره ایسترس و حیاتدان ناراضیلیغی دا علاوه ائتملیگیک.
تاریخ
2019.07.29 / 20:39
|
مولف
Axar.az
|