اینگیلتره، فران‌سا و آلمانییا ایرانا کوروناویروسا قارشی موباریزه اوچون ۵ میلیون آورو دیرین‌ده تجهیزات گؤندردیکلرینی آچیقلاییبلار.

دونیا سهییه تشکیلاتی دا ایرانا گئنیش یاییلان ویروسلا موباریزه اوچون ۷،۵ تونلوق تجهیزاتلا بیرلیک‌ده تیببی هئیت ائزام ائتدیینی بیلدیریب.

اینگیلتره‌نین خاریجی ایشلر ناظرلیگی اوچ آوروپا اؤلکه‌سین‌دن گؤندریله‌ن تجهیزاتین کوروناویروسون آنالیزی اوچون لاباراتورییا آوادان‌لیغی و الجک کیمی واسطه‌لر اولدوغونو بیل‌دیره‌رک، ایرانا یاردیملارین دونیا سهییه تشکیلاتی و دیگر قوروملار واسطه‌سی ایله داوام ائتدیریلجیینی وورغولاییب.

«کوروناویروسلا موباریزه اوچون بریتانییا، فران‌سا و آلمانییادان گؤندریله‌ن ایلک تیببی لوازیمات بو آخشام تئهرانا چات‌دیریلاجاق»، – ایرانین بریتانییاداکی سفیری همید بیدینئژاد تویتتئرده یازیب.

دونیا سهییه تشکیلاتی ایسه آلتی نفرلیک هئیتله ایرانا ۳۰۰ مین دولار دیرین‌ده تنففوس آوادان‌لیقلاری، کورونا تئست کئیتی و ماسکا کیمی تیببی لوازیمات گؤندردیینی بیلدیریب. تیببی آوادان‌لیقلار قونشو اؤلکه‌لردن ایرانا اوچوشلارین دایاندیریلماسی سببین‌دن پلانلاش‌دیریلان واخت‌دان گئج چاتدیریلیب.

به-یه عایید حربی تییاره یاردیم لوازیماتینی و تیببی هئیتی تئهرانا آپاریب.