کرونا ویروسو آنفلانزا کیمی بیر ویروس اولماسینا باخمایاراق ایراندا بو مسئله حاکیمیت طرفیندن ایلک اولاراق جدی آلینماق ایستنمدی. بو مسئله نی حاکیمیتین بعضی کاناللاری، یایین و باسین اورقانلاری آمریکانین چین و ایران علیهینه یئریتدیگی ساواش دئیه قلمه آلماغا، بو دوغرولتودا تبلیغات ائتمگه و توپلومو احمق حئساب ائتمگه، انشاالله بیزه بیر شئی اولماز دئمگه چالیشدیلار.

بو آرادا عباس تبریزیان محفلی "طب اسلامی" دئیه کرونا قاپیلاری دؤیمکده اولارکن اؤزلرینه دوکان آچماغا، سنتی نسخه یازماغا و مال ثروت توپلاماغا باشلادیلار.

بوگون ایسه ایراندا بیر چوخ ایش یئرلری، بازار یاتارکن ایران نین اونسوز دا چؤکموش اقتصادی داغیلماغا، توپلوم و جامعه نی یوخسول دوروما دوشورمگه دورمادان باشی آشاغی سرعت آلماقدادیر.

بعضی شهرلرده او جومله-دن تبریزده جاماعات داها "کرونا اؤلومونه" سؤز صبحتلرینه قولاق آساجاق ائشیدر قولاغی دا قالمامیش. اونلار حرکت ائتمز، ائشیکدن ائوه چؤرک گتیرمزسه لر، کروناسیز دا آجلاریندان اؤلرلر دئیه قورخویا قاپیلمیشلار!

دئمک، درد و بلانین زامانیندا قارشیسینی آلماق دوزگون و اویقون یول ساییلار.