یوخاری

کورونا، عوامفریبلیک، جهالت و لجاجت!

آنا صحیفه ساغلیق
12 Punto 14 Punto 16 Punto 18 Punto

ایران حاکیمیتی و اونون قانادلاری هر بیر مدنی، سیاسی موضوع و مرضی امینتی ائتدیکلری اوچون توپلومدا و جامعه-ده انسانلار ایچره حاکیمیته قارشین اعتماد و اینانج قالمامیش.

بو مسئله 22 بهمن و سئچیملر عرفه سینده فارس تئوکراتیک حاکیمیتی نین کورونا مسئله سینی گیزلی توتماسی، 22 بهمن و سئچیملری گئریده بوراخدیقدان سونرا کورونا خسته لیگی نین ایرانا گلمه سینی اجتماعیته بیلدیرمه سی ایله داها دا قاباریق اورتایا چیخمیش.

بئلنچی یاناشمانین یانی سیرا حاکیمیتین توطئه اساسیندا دوشونجه و فیکیر یئریتمکده اولان تئوریسئینلری نین کورونا ویروسو مسئله سینی آمریکا بیرلشمیش دؤلتلری نین چین و ایران علیهینه یئریتدیگی یالان ادعالار دا، مذهبی کسیمی داها دا کورونا مسئله سی ایله لجاجت ائتمگه و بو مسئله یه اینانماق ایستمدیکلرینه یول آچمیش.

مسئله بئله اولدوقدا بعضیلری ضریح یالاماغا، مسجیدلری، زیارتگاهلاری بوش قویمانی اسلام و اهل بیت علیهینه بیر توطئه دئیه قلمه آلماغا باشلامالاری دا باشقا بیر معضل ساییلار.

بیر آیری معضل ده اؤزلرینی "طبیب" قلمه آلان، طب الیفباسینی بیلمگن عوامفریبلر ساییلار. بو ذاتلار "طب اسلامی" آدینا باشدا عباس تبریزیان محفلی اولماقلا مجازی دونیادا جعل روایتلر یایماق اساسیندا خستلیکلری، او جومله-دن کورونا خسته لیگینی درمان ائتمک ادعالاری یئر آلار.

اوسته کی دوشونجه باخیمیندان آراقاریشیقلیغی نظره آلاراق تئوکراتیک تهران حاکیمیتی طرفیندن تحمیق اولموش ناراضی توپلومون دا کورونا مسئله سینده لجاجت ائتدیگی اورتایا چیخار. بو ناراضی توپلوم کورونا مسئله سینی 1398اینجی ایل، آبان آییندا بنزین مسئله سینده حاکیمیت مأمورلاری طرفیندن توتولموش انسانلارین اؤلوسونو "کورونا اؤلوسو" دئیه مختلیف شهرلرین قبریستانلاریندا باسیرماق فرصتی تاپماق تخمینی و حدسینی اورتایا قویماقلا گوناهلاری فارس حاکیمیتی و اونون مسئوللاری نین بوینونا ییخماغا چالیشارلار.

دئمک، سیاستده آیدینلیق و شفافلیق اولمازسا، ایستر ائله، ایسترسه ده بئله حاکیمیت توپلوم و جامعه نی ایلگیلندیرن بوتون مسئله لرده و ایشلرده مسئول ساییلار.

تاریخ
2020.03.11 / 17:53
مولف
ایشیق سؤنمز
شرح لر
دیگر خبرلر

بو یئمکلری صاباحا ساخلاماق اولماز - سیاهی

اینفارکت‌دان ایکی گون اول گؤروله‌ن سیمپتوملار...

هفته‌ده ۱۵ مین آددیم آتماق عمرو ۳ ایل اوزادیر

خسته‌له‌نمه‌مک اوچون هر گون بلغار بیبری یئیین!

دیشلری چوروک اولانلارین نظرینه: باش آغریلاری...

آریقلاماق ایسته‌یه‌نلرین دقتینه!

ایراندا نادر خسته‌لیکلرین سایی آچیقلاندی

بیین حجیره‌لرینی اؤلدورن قیدا

کووید اینسان بئینینی ۲۰ ایل قوجالدیر

ایران خرچنگه یولوخمایا گؤره رگیوندا اوچونجو یئری توتور

خبر خطّی
Axar.az'da reklam Bağla
Reklam
Bize yazin Bağla