تانینمیش حکیم-پئدیاتر یئوگئنی کومارووسکی آزیاشلیلاردا کوروناویروسون علامتلرینین و سیمپتوملارینین نئجه تثبیت اولوناجاغینی آچیقلاییب.

آخار. آذ خبر وئریر کی، کومارووسکی "اینستاگرام" حسابین‌دا پایلاشدیغی معلومات‌دا اوشاق اورگانیزمینین ویروسلا داها آسان مباریزه آپاردیغینی وورغولاییب.

او، بیلدیریب کی، اوشاقلاردا کوروناویروسون باشلیجا علامتلری اسهال و قوسمادیر: "نفس آلما تئزلیینین پوزولماسی، آرخا ناحییه‌ده قاشینما و دیگر شوبهه‌لی مقاملاردا مطلق حکیمه مراجعت ائدیلمه‌لیدیر. کوروناویروسلا مباریزه یوللاری کیمی سئلیکلی قیشانی قوروماق، بول سو ایچمک، احتیاج اولمادیغی تقدیرده ائوده‌ن چؤله چیخماماق مصلحت‌دیر".

اوشاقلارین نادیر حاللاردا کوروناویروسدان اؤلدویونو قید ائد‌ن کومارووسکی علاوه ائدیب کی، ویروس فونوندا کسکین پاتولوژی خسته‌لیکلر اولارسا، بو حال مومکوندور.