«قلوبال ریسئرچ» بیلدیریر کی، حاضردا دونیانین ۴۰ ان بؤیوک اجزاچی‌لیق (فارماسئوتیکا) شیرکتی کوروناویروسا قارشی واکسینین و یا درمانین حاضرلانماسی ایستیقامتین‌ده علمی آراشدیرمالارینی داوام ائتدیریر. بو ایشه میلیاردلارلا دلار خرج‌لنیر. آنجاق کوروناویروسا قارشی افکت‌لی واسطه‌نین داها چوخ گلیر گتیرجیی بری باش‌دان معلوم‌دور. او دا آیدین‌دیر کی، بو ایلین سونونا کیمی بئله بیر واسطه‌نین آپتئکلرده ساتیلاجاغی ایناندیریجی گؤرونمور.

آنجاق کورونوویروسلا مباریزه‌ده تبابت گئتدیکجه داها چوخ تجروبه قازانیر و داها چوخ اینسانی معالیجه ائتمک مومکون اولور. بیز بو پروسسین رئال نتیجه‌سینی چین‌ده گؤردوک. اورادا کوروناویروسا یولوخانلارین سایی کسکین شکیل‌ده آزالیب، بو ویروسا یولوخانلار آراسین‌دا اؤلوم فایزی ده جدی شکیل‌ده آشاغی دوشوب، معالیجه نتیجه‌سین‌ده تام ساغالانلارین سایی ایسه آرتیر.

تأسف کی، ایتالییادا وضعیت نظارت‌دن چیخیب. بیر گون‌ده مین نفردن چوخ خسته کورونوویروس‌دان اؤلوب. بو، رکورد گؤستریجی ساییلیر.

«قلوبال ریسئرچ»دن بیلدیریر کی، کوروناویروسون موالیجه‌سی ایله باغلی آمریکادا دا جدی ایرلیلییش مشاهیده اولونور. چین‌ده کوروناویروس داشیییجینی معین ائتمک اوچون آپاریلان تسته ۴۰ دقیقه صرف اولونوردو. آمریکادا ایسه بو پروسسه جمعی ۱۵ دقیقه بس ائدیر.

نیو یورکلو هکیم ولادیمیر زئلئنکونون موالیجه مئتودو ایسه آمریکادا گئنیش رزونانس دوغوروب. او، معالیجه ائتدیی ۵۰۰-دن چوخ پاسیئنتین هامی‌سینی ساغال‌دا بیلیب. یولوخانلارین هئچ بیری خسته‌خانایا یئرلشدیریلمه‌ییب، اؤلوم حادثه‌سی ده قیده آلینماییب. باشقا سؤزله دئسک، حکیم ۱۰۰ فایزیلیک اوغورا ایمضا آتیب.

او دا ماراق‌لی‌دیر کی، ولادیمیر زلنکونون معالیجه اوصولو چوخ اوجوز باشا گلیر. بئله کی، حکیم کوروناویروسا قارشی سینکلی هیدروکسیخلوروخین ایستیفاده ائدیر. بو ایسه ۱۲ دلارلیق خرج آپاریر.

فئورالین اولین‌ده آمریکادا کوروناویروس تستینی حیاتا کئچیرمک اوچون وطنداش ۳ مین دلار اؤد‌مه‌لی اولوردو. بیر چوخ حاللاردا ایسه طبی سیغورتا شیرکتلری همین وسایتی اؤد‌مکدن ایمتینا ائدیردی. یعنی بیر آیلیق معاشی وئریب تستدن کئچیردین. ایندی ایسه بئله تستدن کئچمک اوچون ۱۰۰-۲۵۰ دلار آراسی مبلغ اؤدنیلیر.

اونو دا قئید ائدک کی، حاضردا کوروناویروس محض نیو یورک‌دا سرعتله یاییلیر. ۴۰ مین نفره یاخین آدام‌دا بو ویروس آشکار ائدیلیب. نیو یورک کوروناویروس باخیمین‌دان آمریکانین اپیسئنتری حساب اولونور.

«فوکس نیوس» آچیقلاما وئره‌ن اکسپئرتلر ولادیمیر زلنکونون مئتودونو یوکسک دیرلندیریبلر. بو ایسه او دئمک‌دیر کی، بو مئتود آمریکادا گئنیش شکیل‌ده تطبیق اولوناجاق.