آنا صحیفه ساغلیق |
گوندهلیک و چوخ مدتده موبایل واسطهلردن ایستیفاده و کومپوتئر آرخاسیندا چوخ اوتورماق اینسانین باش بئینینده چوخسایلی ضررلی دییشیکلیکلر یارادیر.
آخار. آذ خبر وئریر کی، یاپون عالیملری یئنی علمی تدقیقاتلاتینین نتیجهسی اولاراق دهشتلی فاکتلار آچیقلاییبلار.
عالیملر بیلدیریر کی، هر گون رقمسال تکنولوگییالاردان چوخ ایستیفاده بئینین قیزماسینا و یانماسینا سبب اولور.
نهنگ اینفورماسییا آخینی بئیینه داخیل اولور و بئیین طرفیندن صاف-چوروک اولونماغا زامان بئله قالمادیغیندان لازیمسیز اینفورماسییا آرخیولنیر، بئیین شعبهلری زیبیللنیر، نتیجهده اینسانین بئینی یورولور، او اطرافدا و اؤزونده نه باش وئردیینی آنلامیر. بو سیندروم داها چوخ ۳۵-۶۵ یاش آراسی اینسانلاردا گئنیش یاییلیب.
نئیروجراحلار دا بو سیندرومو تصدیقلییر. اونلار دئییر کی، بئیینده اینفورماسییانی حل ائدیب، توپلاییب ساخلایان پرئفرونتال کؤتوک ناحییهسی وار. او، آلین حیصهیه یاخین یئرلشیر. بو زونا یادداش، قرار وئرمک و قارشییا چیخان پروبلمی چؤزمک اوچون ده آیریلیب.
حددن آرتیق تلفن، اینترنت، کومپوتر ایستیفادهسی بو حیصهنی یوکلییر، لازیمی اینفورماسییایا یئر قالمیر، گئتدیکجه یادداش پوزولور، اینسان ساده مسئلهلری بئله حل ائده بیلمیر. نتیجهده همیشه باشی و خصوصاً آلین حیصهسی آغریییر. بو اینسانلار ایشده، تحصیلده ایرلی گئده بیلمیر، چوخ سایدا سهولر بوراخیر.
یاپون عالیملری مصلحت ده وئریبلر. تلفون و کومپوتردن ایستیفادهیه کونکرئت واخت قویون. عینی زاماندا ایکیسینه ده باخمایین. فیلم ایزلیرکهن و یا کومپوترده ایشلیرکهن تلفن الینیزده اولماسین.
یئمک یئیرکهن تلفنا باخمایین، یئمک زامانی باشقا اینفورماسییا آلماق اولماز.
موطلق گونلوک یوخو نورماسینا عمل ائدین. کومپوتئرده چالیشانلار سوتکادا ۸-۹ ساعت یوخوسونو آلمالیدیر. بئیین یوخودا یوکلهمهلردن آزاد اولور.
قد ائدک کی، اوست ده تلفن و کومپوتردن چوخ ایستیفادنین اهالینینعمرونون قیسالماسینا و خستهلیکلرین آرتماسینا سبب اولاجاغی بارهده بیلدیریب.
تاریخ
2020.05.17 / 16:17
|
مولف
Axar.az
|