کانادالی فیزیولوقلار زنگینلیک و کاسیبلیغین اینسان تالعینه تأثیرینی آراشدیریب. اونلار ۱۰۳ کؤنوللونون حیاتینی تحلیل ائدیب.

Axar.az خبر وئریر کی، عالیملر اوشاغین عائله‌ده گؤز آچماسیندان سونراکی ایلک ۵ ایلده مادی رفاهین سونراکی تالعینی معین ائتدیینی ثبوت ائدیب.

هله اوشاقلیقدا اینسانین تالعینه بیر چوخ فاکتورلار تأثیر ائدیر. ماساچوستس اینستیتوتو و هاروارد اونیورسیتتینین نیروبیولوقلارینین قناعتینه گؤره، زنگین، امکان‌لی عائله‌لرده‌کی اوشاقلارین بینینین کؤک و گیجگاه حیصه‌لری داها قالین اولور.

کاسیب عائله‌لرین اوشاقلارین‌دا اس.ال.سی۶ا ژنینده دییشیکلیک خاراکتریکدیر. بو ژن سروتونینین بئیینه یاییلماسینی تعمین ائدیر. بو اوشاقلاردا دپرسییا و دیگر پسیخی پوزونتولار ریسکی داها یوکسکدیر. عمومیتله، کاسیب عائله‌لرده بؤیویه‌ن اوشاقلاردا اورگانیزم‌ده ایسترس هورمونو کورتیزولون میقداری چوخ اولور. بو هورمون اینساندا قورخاقلیق، چکینگنلیک، احتیاط، تلسمه‌مک حسینی آرتیریر. کاسیب اوشاقلار ریسکه آز مئییلی‌دیر، کاریئرادا ایر‌لیله‌مه‌یه چکینیر.

ائلجه ده آمریکادا زنگین اینسانلارین کاسیبلاردان ۱۰ ایل داها چوخ یاشادیغی دا ثبوت اولونوب. کاسیبلار داها چوخ اورک توتماسی، اورک-قان دامار خسته‌لیکلریندن وفات ائدیر.

بوندان علاوه، سود وزی خرچنگی، پروستات، قان خرچنگیندن ده کاسیب عائله‌لرده بؤیویه‌نلر اذیت چکیر.