ارمنیستان خاریجی ایشلر ناظری زؤهراب مناتساکانیان اؤلکه‌سینین خاریجی سیاستینین ۳ اساس پرینسیپینی آچیقلاییب.

آخار. آذ خبر وئریر کی، بونو مناتساکانیان خاریجی ایشلر ناظرلییی مرکزی آپاراتی، دیپلماتیک نماینده‌لیکلرینین و کونسوللوق ایداره‌لرینین رهبرلرینین ایللیک قورولتایین‌دا دئییب.

اونون سؤزلرینه گؤره، بو قورولتای اؤلکه‌ده‌کی اینقیلابدان سونرا ایلک دفعه تشکیل اولونور و اساس مقصدی ارمنی دیپلماتییاسینین ایلکین هدفلرینین معین ائدیلمه‌سی‌دیر. مناتساکانیان بون‌دان سونرا ارمنیستانین خاریجی سیاست‌ده ۳ اساس پرینسیپه عمل ائدجیینی سؤیله‌ییب:

«بیرینجی، سوورنلیکدیر. بو پرینسیپین اساسی ارمنی مرکزیلیکدیر. ایلک نؤوبه‌ده ارمنیستانین دؤولت ماراقلاری، دینیندن و اتنیک کیملیین‌دن آسیلی اولمایاراق ارمنیستان وطنداشلاری مدافعه ائدیلمه‌لیدیر.

ایکینجی پرینسیپ ایسه عموم ارمنی باشلانغیجی و یا پان ارمنیزم‌دیر. ارمنیستان دیپلماتییاسی ارمنیستان، قاراباغ و بوتون دونیاداکی ارمنیلره بوتؤو فورمادا باخیر. بو پرینسیپ میللی ایدنتیکلییمیزین قورونماسینی ایر‌لی سورور.

اوچونجو پرینسیپ قارشی‌لیقلی فعالیتدیر. ایروان ایسته‌نیلن دؤولتله قارشی‌لیق‌لی فایدا وئرن امکداشلیغا حاضردیر. ارمنیستان بون‌دان سونرا دا رگیون‌دا صولحون و تهلوکسیزلیین تأمیناتی ایستیقامتین‌ده ایشله‌یه‌جک، بو مسئله‌ده دوست اؤلکه‌لر، طرفداشلارلا امکداشلیق ائد‌جک».