آنا صحیفه سیاست |
روسییا تهلوکهسیزلیک شوراسینین کاتیبی نیکولای پاتروشئوین باکییا سفری روسییانین «محاربهیه باشلامایین» مئساژیدیر.
آخار. آذ خبر وئریر کی، بو سؤزلر «آتلاس»آراشدیرمالار مرکزینین تحلیلینده اؤز عکسینی تاپیب. آنالیزده پاتروشئوین آذربایجانا سفرینین اساس مقصدلریندن بحث ائدیلیب:
«روسییا تهلوکهسیزلیک شوراسینین کاتیبی نیکولای پاتروشئو سنتیابرین ۳-ده آذربایجانا گلهرک پرزیدنت ایلهام علیئوله گؤروشدو. رسمی خبرلرده وورغولانیر کی، پاتروشئوین رهبرلیک ائتدیی نماینده هئیتی باکدا اکسترمیزمه، ترورچولوغا قارشی مباریزه ایله باغلی قانون وئریجیلیک و امکداشلیق مسئلهلرینی موذاکیره ائدجک.
بیرینجیسی، نیکولای پاتروشئو آز قالا ایلده بیر دفعه هم آذربایجانا، هم ده ائرمنیستانا سفر ائدیر و رسمی خبرلهده موذاکیره مؤوضوعلاری دییشمیر. بونا باخمایاراق، بعضا نیکولای پاتروشئو هانسی مؤوضوعلارا اوستونلوک وئردیینی اوستوؤرتولو آچیقلاییر. مثلاً، پاتروشئو ۲۰۱۷-جی ایلین آپرئلین ۱۰-دا باکییا سفری زامانی دئمیشدی کی، علاقهلریمیزین اینکیشافیندا تهلوکهسیزلیک مسئلهلرینین رولو بؤیوکدور و تهلوکهسیزلیک تعمین اولونارسا اقتصادی، مدنی و بوتون دیگر ساحهلرده امکداشلیغین اینکیشافیندا هر هانسی بیر پروبلئم اولا بیلمز.
بئله گؤرونور کی، کرئمل ایکی ایل اول ده، ایندی ده آذربایجانلا امکداشلیقدا تهلوکهسیزلیک مسئلهسینی بوتون دیگر مؤوضوعلارین اؤنونده قویور. بلکه ده بو، روسییانین رسمی باکییا «محاربهیه باشلامایین» مئساژیدیر کی، بو فیکری پاتروشئو قاپالی گؤروشلرده آذربایجان رسمیلرینین دقتینه چاتدیریر. نیکولای پاتروشئوین آوقوستون ۱۲-ده ایروانا سفری ده بو مؤوضوع ایله علاقهلی اولوب».
شرحده خاطیرلادیلیب کی، پاتروشئو واختیله روسییا کشفیاتینا باشچیلیق ائدیب:
«او، آذربایجانداکی و ارمنیستانداکی وضعیت حاقیندا کیفایت قدر کشفیات معلوماتلارینا مالیکدیر. اوستگل، نیکولای پاتروشئو پرزیدنت ولادیمیر پوتینین ان یاخین آداملارینداندیر و بیر سیرا حاللاردا کرئمل صاحبینین خصوصی مئساژلارینی چاتدیرماق اوچون بو و یا دیگر اؤلکهیه سفر ائدیر».
تحلیلده پاشینیانین تخریباتچی چیخیشلاریندان سونرا پاتروشئوین ایروانا سفرینه دقت چکیلیب:
«روسییا بؤلگهده محاربهنین علیهینهدیر. آنجاق کرئمل اونو دا موشاهیده ائدیر کی، بیرینجیسی، ارمنیستانین باش ناظری نیکول پاشینیانین داغلیق قاراباغ موناقیشهسی حاقینداکی منطیقسیز فیکیرلری بؤلگهده محاربه ریسکینی آرتیریر، ایکینجیسی، آذربایجاندا موناقیشهنین گوج یولویلا اینانانلارین سایی آرتیر و رسمی باکی ناخچیوان و قازاخ ایستیقامتلریندهکی آپاردیغی عملیاتلار چرچیوهسینده ائرمنیستانا قارشی حربی تضییقدن ایستیفادهیه مئییللنیب. بو گئدیشات روسییانین ماراقلارینا خیدمت ائتمیر. اونا گؤره ده کرئمل پاتروشئوی هم ایروانا، هم ده باکییا گؤندریر کی، هر ایکی طرفی لوکال توققوشمادان چکیندیرسین.
نیکول پاشینیان آوقوستون ۵-ده خانکهندیدهکی چیخیشیندا «قاراباغ ارمنیستاندیر» دئدیکدن دوز بیر هفته سونرا پاتروشئو ایروانا گئتدی و او رسمی ایروانین دییشهن ریتوریکاسینین بؤلگهده محاربه ریسکینی آرتیردیغینی ائرمهنی همکارلارینا آنلاتماغا چالیشدی. نیکولای پاتروشئو پاشینیانلا گؤروشه باشقا بیر میسسییا ایله ده گئتمیشدی.
پاشینیان ولادیمیر پوتینین اعتراضلارینا رغما، کئچمیش پرزیدنت روبئرت کؤچریانی حبسده ساخلاماقدا داوام ائدیر. پوتین بو یاخینلاردا حبسده اولان کؤچریانا آرتیق ایکینجی تبریک مکتوبونو گؤندریب. بودفعهکی مکتوبدا او کؤچریانی ۶۵ یاشینین تامام اولماسی مناسیبتیله تبریک ائدیب. سیاسی تاریخده گؤرونمهیهن حادثهدیر کی، بیر دؤولتین باشچیسی دیگر دؤولتده حبسده اولان سیاستچینی ایکی دفعه آرد-آردا نیهسه گؤره تبریک ائدیر. بو، پوتینین پاشینیانا بیرباشا مئساژیدیر کی، صبریمی داشیرما!»
تاریخ
2019.09.04 / 13:46
|
مولف
Axar.az
|