آنا صحیفه سیاست |
«لیوان حکومتینده هم خریستیانلار، هم ده موسلمانلار تمثیل اولونور. دؤولتین باشیندا خریستیانلار، حکومتین باشیندا ایسه موسلمانلار دایانیر. لیواندا اساس موخالیفت ایسه حزب اللاهدیر».
لیواندا حاکمیت علیهینه باش وئرهن اعتراض آکسییالاری حاقدا تلگراف. کوم-آ دانیشان پولیتولوق صدرالدین سولطان بئله دئییب.
اکسپرت سلاحلی حزب اللاه تشکیلاتینین ایران یؤنوملو اولدوغونو بیلدیریب:
«لیوانداکی حادثهلرین گئدیشاتی گؤستریر کی، بو اؤلکه یئنیدن قاریشمالیدیر. چونکی لیوان حزب اللاهی سورییا و عراقدا گئدن پروسئسلرده ایشتیراک ائدیر. بونا گؤره ده لیواندا حزبوللاهین مؤوقعیینی ضعیفلتمهیه چالیشیرلار. اؤتن گونلرده لیواندا پارلامنته هوجومون تشکیل ائدیلمهسی و دیگر مسئلهلر حزب اللاهین دقتینی اؤلکه داخیلی پروسئسلره چکه بیلر.
معلومدور کی، حزب اللاه سورییادا بشر اسدی مدافعه ائدیر و یا ایسرایل اوچون بؤلگهده تهدید ائدیجی وضعیتلر یارادیر. بو باخیمدان، لیواندا وضعیتین قاریشماسی حزب اللاهین اؤلکه داخیلی پروبلملره جلب ائدیلمهسینه، هابئله ایرانین بوراداکی مؤوقعینین ضعیفلدیلمهسینه خیدمت ائدیر».
صدرالدین سولطان بو عرب اؤلکهسینده داوام ائدن گئنیش میقیاسلی اعتراض آکسییالارینین سیاسی خاوسا یول آچاجاغینی استثنا ائتمیر:
«قناعتیمه گؤره، یاخین زامانلاردا لیواندا سیاسی وضعیتین داها دا قاریشماسی احتیمالی وار. بو پروسئسین حاکمیتده بحرانا گتیریب چیخارماسی دا مومکون اولا بیلر. اولا بیلسین کی، حکومت یا ایستعفایا گئدهجک، یا دا یئنیدن پارلامنت سئچکیلری کئچیریلهجک. بوتؤولوکده ایسه بو پروسئسلر سیاسی بحرانلا نتیجهلنه بیلر».
تاریخ
2019.10.21 / 22:00
|
مولف
Axar.az
|