سیاسی شرح‌چی صادق ایسابی‌لی موصاحیبه‌ده دئییر کی، چین و ایران کیمی اؤلکه‌لرین کوروناویروس پاندئ‌مییاسی ایله باغلی حقیقتلری گیزله‌ده‌رک دیگر اؤلکه‌لری یانلیش ایستیقامته یؤنله‌ن‌دیرمه‌لری اونلارین مسلولیت‌سیز دؤولت اولدوقلارینی داها باریز شکیل‌ده نوماییش ائتدیرمک‌ده‌دیر.

«بیز ایللردیر کی، ایران‌دا قئیری-فارسلارا قارشی مؤوجود اولان آیریسئچکی‌لیکلری اؤنه چکه‌رک، بئینلخالق قوروملارا دئییریک کی، بو جینایتلرین باش وئرمه‌سی ساده‌جه ایرانین داخی‌لی سیاستی کیمی دیرلندیرلمه‌مه‌لی‌دیر. بو، رئگیونال و قلوبال پروبلئملره گتیریب چیخاراجاق. بو، مسولیت‌سیز دؤولتین فورمالاشماسی آنلامین‌دادیر و بونونلا باغلی بئینلخالق اؤلچولر گؤتورولمه‌لی‌دیر. عینی شئی چینه ده شامیل‌دیر،» ایسابی‌لی سؤیلییر.

بیز ایللردیر بئینلخالق قوروملارا دئییریک کی، ایران‌دا بو جینایتلرین باش وئرمه‌سی ساده‌جه ایرانین داخی‌لی سیاستی کیمی دیرلندیرلمه‌مه‌لی‌دیر. بو، رئگیونال و قلوبال پروبلئملره گتیریب چیخاراجاق. عینی شئی چینه ده شامیل‌دیر.
اونون دئدیکلرینه گؤره، «خصوصیله چین دؤولتینین کوروناویروس ایله باغلی گئج اینفورماسییا وئرمه‌سی، یانلیش اینفورماسییا وئرمه‌سی و بعضی حقیقتلری گیزلتمه‌سی، ویروسون دونیادا سرعتله یاییلماسینا، دؤولتلرین آغیر زیانلارا اوغراماسینا و بیر چوخ اؤلکه‌ده آغیر ایتگیلرین وئریلمه‌سینه یول آچیب.»

سیاسی فعال حساب ائدیر کی، ایران ایسلام رئسپوبلیکاسی و چین کوروناویروس بحرانینی سیاسی فورصت کیمی گؤرورلر:

«اونلار بونو پروپاقان‌دا واسطه‌سینه چئویردیلر. مثلاً ایران چالیش‌دی تبلیغاتی ائله آپارسین کی، ایران‌دا ویروسون یاییلماسینین قارشی‌سینی آلماق اوچون آبش سانک‌سییالاری قال‌دیرمالی‌دیر. بو، کوروناویروس اوزرین‌دن سیاسی پروپاقان‌دا ایدی کی، ایران چالیشیردی ائتسین... چین ده دونیا دؤولتلرینی یانلیش یؤنلندیردی و تأسف کی، بونو دونیا سهییه تشکیلاتی اوزرین‌دن ائتدی. چین ایلک گون‌دن مسولیت‌سیزجه داورانیب و هله ده معلوماتی گیزلتمک‌ده‌دیر.»

صادق ایسابی‌لی همچینین چین و ایران‌دا ائتنیک آزلیقلار و سیاسی موخالیفلرین معروض قالدیغی باسقیلارا دقت چکه‌رک دئییر، دونیا ایجتیمایتی آرتیق بو فاکتلاری دقته آلمالی‌دیر.

شخصاً هم اومید ائدیره‌م، هم ده باخیشیم بودور کی، گله‌جک‌ده بیر چوخ دئموکراتیک دؤولت ایران و چین باره‌ده فرق‌لی مؤقع گؤستره‌جکلر.