تاریخا ایشلک اولموش بعضی حادیثه لر حاضیردا دیالکت و لهجه لرده قالمیشدیر. بئله حادیثه لردن بیری ده صامتلرین آرتیمیدیر. صامتلرین آرتیمی حادیثه سی تبریز دیالئکتینده سؤزون اولینده، اورتاسیندا، سونوندا نظره چارپیر.

سؤز اولینده

"ی" سسینین آرتیمی. تبریز دیالئکتینده صایتلردن اول چینگیلتیلی "ی" صامیتینین ایشلنمه سی تورک دیللرینده مؤجود اولموش قدیم خصوصیتلردن بیرینین داوامیدیر. مثلا: ، ائنیش- یئنیش،

"ح" سسینین آرتیمی تبریز دیالئکتینده سؤز اولینده "ح" سسینین آرتیمینا "آ،ٲ، ئ، ی" صایتلریندنن اول تصادف ائدیلیر. مثلا: حاساند، البته- حلبتته، ائله- حئله، ایندی- حیندی...

سؤز اورتاسیندا

"ی" سسینین آرتیمی. بعضی آلینما سؤزلرده قوشا صایت آراسینا بیر "ی" صامیتی علاوه اولونور. مثلا: عاییله، داییره، ضعییف، باییس..

"ح" سسینین آرتیمی. تبریز دیالئکتینده سؤز اورتاسینا "ح" سسینین علاوه سی ساعات- ساحات، جماعت- جاماحات...

سؤز سونوندا

"ن" سسینین آرتیمی. مثلا: دفعه- دحون، تکین، بئش که ره- بئش کررن...

"م" سسینین آرتیمی. بلکه- بلکم، ده نه- ده نم، کیلکه - کیلکم (تمیزلنمیش یون)