گؤرکملی آذربایجان شاعری، آذربایجانین ایلک خالق شاعری صمد وکیلوو (وورغون) ۲۱ مارت ۱۹۰۶-جی ایلده قازاخ قزاسینین یوخاری سالاحلی کندینده بی نسلینه منصوب عائله‌ده آنادان اولوب. ۱۹۲۰-۱۹۳۰ ایللرده شاعرین سسی جدی صورتده ادبی محیطین و گئنیش اوخوجو کوتله‌لرینین نظرینی جلب ائدیب. ۱۹۳۰-جو ایللرده او، آلکساندر پوشکینین «یئوگئنی اونئگین»، ماکسیم گورکینین «قیز و اؤلوم»، شوتا روستاوئلینین «پلنگ دریسی گئیمیش پهلوان»، نظامی گنجوینین «لیلی و مجنون» اثرلرینی آذربایجان دیلینه ترجومه ائدیب.

شاعرین ۱۹۳۴-جو ایلده یازدیغی «آذربایجان» شعیری آذربایجان ادبیاتینین اینجیلریندندیر. صمد وورغون «موغان» (۱۹۴۸)، «آیگون» (۱۹۵۰-۱۹۵۱) و «زامانین بایراقداری» (۱۹۵۲) پوئمالارینین مؤلفیدیر.

Axar.az خالق شاعری صمد وورغونون «نظامی» شعرینی شاعرین اؤز ایفاسیندا تقدیم ائدیر:

یوغرولدو بوتون وارلیغین امیدله هنردن،
شیمشک کیمی کئچدیکجه قارانلیق گئجه‌لردن،

هر کلمه‌نی، هر شعیرینی بیر توپ کیمی آتدین،
سئودا یوخوسوندان بیزی واختیندا اویاتدین.

خوش گلدین عزیزیم، گلیشیندن آنا یوردو
دونیا ائوینه بیر یئنی سؤز مجلیسی قوردو...

کئچدیکجه نسیللر او سنین سؤز چمه‌نیندن،
ائلر، اوبالار درس آلاجاقدیر هله سندن.

اؤلمز بو گؤزل عالمه ایدراکلا گلنلر،
معنا ائوینین سیررینی ویجدانلا بیله‌نلر.

سن‌سن ابدیت دئدییم سئوگیلی دیلدار،
داشلاردا، چیچکلرده، اورکلرده آدین وار.

آیدانمی گونشدنمی یاراندین، ده، ندن سن؟
خالقین گؤزو ده، قلبی ده، ویجدانی دا سنسن.