کولت. آز یازار-شاعر ائلناز ائیوازین "قادین" حکایه‌سینی تقدیم ائدیر:
چای‌دانی قازین اوستونه قویوب یاتاق اوتاغینا کئچدی. قاپینین آستاناسیندا دوروب یاتمیش ارینه باخدی. ارینین اوتاغی باشینا گؤتورموش فیسیلتی‌سی قادینی واهیمه‌یه سالدی. اونا ائله گلیردی کی، اری غفیل گؤزلرینی آچیب اوستونه آتیلاجاق. اول وار گوجو ایله سیفتینه بیر شیلله ائندیره‌جک، دیلینی دیشلرینین آراسیندا سیخیب یومروغونو دویونله‌یه‌جک و آشاغی ائندیرمک قورخوسونو بیر نئچه ثانییه اونا یاشاداجاق، آنجاق ائندیرمه‌یه‌جک. همیشه بئله ائدیردی، ائله بیل قادینین قورخو ایله آلتدان یوخاری اونا باخیب: «نه ایستییرسن مندن؟» – دئیه یالوارماسیندان لذت آلیردی. سونرا قادین طاقتدن دوشوب دیزلری اوسته یئره چؤکجک. بو دفعه ده اری بیر تپیک ایلیشدیریب: «قالخ آیاغا، آرتیستلیک ائلمه،»- دئیه‌جک. قادین بوغولا-بوغولا آغلایاجاق. بوتون بونلاری دفعه‌لرله یاشایان قادین ایندی آرزو ائدیردی کی، اری هئچ واخت یوخودان آییلماسین. او، هله ده بو آداملا نیه ائولندیینین سببینی آیدینلاشدیرا بیلمیردی. اوللر قادینا ائله گلیردی کی، اونسوز یاشایا بیلمز. آنجاق تویلاریندان جمعی بیرجه هفته سونرا حیاتیندا ایلک شیللنی داداندا آغلاماق، قیشقیرماق عوضینه، ساکیت-ساکیت ماراقلا تاوانا باخیب گؤزونه گؤرونن اولدوزلاری ایزله‌ینده سهوینی آنلادی. بلکه ده، قادین اونو سئومیشدی، باش وئرنلرسه اونون فیکریلرینی آلت-اوست ائدیر، یانیلدیغینی دوشونمه‌یه مجبور اولوردو. هر دفعه اری ایله اوزبوز اوتوراندا گؤزلرینی اوندان چکمدن دوشونوردو:»سن منیم حیاتیمین ان بؤیوک سهویسه‌ن». اری ایسه هر گون قادینین بو قناعتینه حاق قازاندیریردی.
گوندوزلر ائوده تک قالدیغیندان دوشونمه‌یه دویونجا ایمکانی اولوردو. بوتون گونو اوریینده او قدر دانیشیردی، هردن اونا ائله گلیردی کی، دلی اولور. تلسیک جوموب پنجرنی آچیر، جگردولوسو نفس آلیر، گؤزلرینی یوموب بیر قدر بئله دایاناندان سونرا اؤزونه گلیردی. وار گوجو ایله چیغیرماقدان اؤزونو زورلا ساخلاییردی.
هردن ارینین: »خوشبختسن؟» – سوالینا وئردیی جاوابین عذابینی چکیردی. آخی نه واختا قدر یالان دانیشاجاقدی، نه واختا قدر بو ات تؤکن سوالا یالاندان:»هه،» – دئییب گؤزلرینی گیزلده‌جکدی؟!
...قادین بارماقلارینین اوجوندا ارینه یاخینلاشدی. اییلیب دقتله اوزونه باخدی.
«یوخ، سنین اجلین منیم الیمده تامام اولاجاق. اؤزو ده بو گئجه. سن صاباحی گؤرمه‌یه‌جکسن». اؤز-اؤزونه اوریینده‌کیلری دیلینه گتیردی. اؤز پیچیلتیسیندان اؤزو دیکسیندی. ارینین بئله محکم یاتماسی اونو داها دا اورکلندیردی.
گؤزونه هئچ نه گؤرونموردو. «او اؤلر، منی ده حبس ائدرلر، اوشاغی دا اوشاق ائوینه... واخت تئز کئچیر. چیخارام، سونرا گئدیب اوشاغیمی آلارام حکومتدن. باش-باشا وئریب قالان عمروموزو یاشایاریق». الین‌ده‌کی بیچاغین دستیینی وار قوه‌سیله بارماقلارینین آراسیندا سیخدی...
***
سحره آز قالیردی. اریندن هله ده سس-سوراق یوخ ایدی. ایشیقلاری سؤندوروب یاتاغینا گیردی. یئرینین ایچینده بیر خیلی وورنوخدو. یاتا بیلمه‌دی کی، بیلمه‌دی. آیاغا قالخیب خالاتینی اینینه کئچیردی. پنجره‌یه یاخینلاشدی. باییردا داریخدیریجی سکوت واردی. قارشیداکی بینادا تک-توک ائولردن ایشیق گلیردی. یوخونون بو شیرین واختی کیم ایدی اویاق؟! گئری، قاپییا ساری بویلاندی. دهلیزین واهیمه‌لی قارانلیغی گؤزلرینین قاراسینا قاریش‌دی. بیردن بده‌نینه موردار بیر اوشوتمه گل‌دی. ائله بیل‌دی کی، کیم‌سه قاپینین آستاناسیندا دایانیب اونا باخیر. قارنینین آلتیندان کوت بیر آغری توتدو. بو آغری، قورخوسونو یادیندان چیخاردی. تاختین قیراغیندا اوتوردو، قارنینی قوجاقلاییب ایکی قات اولدو. سانکی ائوده تک اولمادیغینی، بتنینده‌کی کؤرپه‌نین ده بو حسلری، قورخونو اونونلا بیرلیکده یاشادیغینی ایندی باشا دوشدو. ائله بو واخت ائوین قاپیسی آستادان دؤیولدو. قادین قفیلدن آیاغا قالخدی. قارنینین ایچی گؤینه‌دی. بایاق جانینا اوشوتمه سالان قارانلیغی اونودوب تلسیک اؤزونو دهلیزه آتدی کی، قاپینین دؤیولمه‌سینی قونشولار ائشیتمه‌سین. آستادان:
- کیمسه‌ن؟ – دئدی.
اری گوجله ائشیدیله‌جک سسله:
- منه‌م،- دئیه جاواب وئردی.
قادین تئز قاپینین جفته‌سینی چکدی. هئچ نه اولمامیش کیمی اؤزونو ایچری سالان ارینه ناراحات‌لیقلا:
- هارداسان؟ -دئدی، - سحر آچیلیر.
اری هئچ حالینی پوزمادان:
- اوشاقلارلا چایخانادا اوتورموشدوق، نوولوب کی؟ – دئیه سوالا سواللا جاواب وئردی.
- هئچ نه اولماییب، نیگاران ایدیم. دئدیم، گؤره‌سه‌ن، باشینا نه گل‌دی؟!
اری بیرباشا یاتاق اوتاغینا کئچیب پالتارینی سویون‌دو. اؤزونو گوپپولتو ایله تاختین اوستونه سالیب گؤزلرینی یوم‌دو، قوللارینی یانا آچاراق:
گل یانیما، - دئدی.
قادین خالاتینی چیخارا-چیخارا:
سحردن ائوده‌ن چیخان‌سان، بیر دئمیرسن کی، بیردن سانجیم-فیلان توتدو، من نئینه‌یه‌جه‌م؟ هئچ سوروشمورسان، نئجه‌سه‌ن؟
گؤروره‌م کی، یاخشی‌سان دا.
بس بیردن...
یاخشی دا، آز دانیش، گل...
قادین تومبانین اوستون‌ده‌کی لامپانی سؤندوروب یئرینه گیردی.
***
یوخودان سکسنیب آییل‌دی. یوخولو-یوخولو علینی ارینین یاستیغینا آتدی. اری ائله یاتمیش‌دی کی، ائوی سؤکوب آپارسای‌دیلار، خبری اومازدی. ائهمالجا آیاقلارینی تاخت‌دان آشاغی ساللادی. اوتوردوغو یئرده دارتین‌دی. بوتون بده‌نی سیزیلداییردی. بیر یان‌دان یوخوسوزلوق، بیر یان‌دان بده‌نینین آغری‌سی اونو لاپ الده‌ن سالیردی. آیاغا قالخماق ایسته‌دی. اری قفیل اونون قولون‌دان توتدو. قادین دیکسیندی.
نئینیرسن؟
هارا گئدیرسن؟
هاماما.
گئتمه.
نیه؟
سنی ایستییرم.
خبرین وار ساعت نئچه‌دیر؟
اولسون دا.
نئجه یعنی اولسون؟ بیردن ائوه گلن اولدو، دور آیاغا.
اری وار گوجو ایله اونو اؤزونه طرف دارت‌دی. قادین اونون قوللاری آراسیندا چوخ گوج‌سوز اولدوغونو باشا دوشوب مقاومت گؤسترمه‌دی.
***
سحر یئمیی حاضر ایدی. قادین ماسا آرخاسین‌دا اوتوروب ارینی گؤزلییردی. اری هامام خالاتین‌دا باشینی قورولایا-قورولایا ایستولو چکیب اوتوردو. قادین علینی سوفره‌یه اوزات‌دی. اری فینجان‌دا بوغ‌لانان چایا، قاینار تاوادا جیزیلتی‌سی کسیلمک اوزره اولان یومورتایا باخیب نسه فیکیرلشیردی. قادین قایغیکئش‌لیکله:
باشلا دا، - دئدی.
باش اوسته!
او، ایشتاهلا یئمه‌یه باشلادی. هئچ بیری دانیشمیردی. اری گؤزلرینی قادین‌دان چکمیردی. قادین اونا زیل‌لنه‌ن بو باخیشلارین آلتین‌دا سیخیلماغا باشلادی.
- نه اولوب؟
- هئچ نه، نسه اولمالی‌دی؟
- نیه ائله باخیرسان؟
- باخیرام دا، باخماق اولماز؟
- اولار، - قادین گولومسون‌دو.
- گئجه منه نه دئییردین سن؟ – دئیه اری قفیلدن سوروش‌دو.
- نه دئییردیم کی؟
- من ائوه گلن‌ده، قاپی‌دان ایچری گیره‌ن کیمی نه دئدین؟ هاردا قال‌می‌سان گئجه واختی؟
- باشا دوشمدیم، سوروشماغا حاقیم یوخ‌دو؟ اریم سحره یاخین ائوه گلیر، دؤرد دیوار آراسن‌دا چیرپینا-چیرپیینا قالمیشام، سوروشا بیلمره‌م کی، هاردان گلیرسن؟ بلکه، باشینا بیر ایش گلیب...
- یوخ! سوروشا بیلمزسه‌ن! حاقیم یوخ‌دو؟! – قادینی یام‌سیلادی، - سنین حاقینا... – باغیریب علینی ایستولا چیرپ‌دی.
قادین دیکسیندی.
سنه نه اولوب؟ سوروشان‌دا هئچ بئله هیرسلنمدین، اوستون‌دن نئچه ساعت کئچیب، ایندی یادینا دوشدو؟
هه، ایندی یادیما دوشدو. نه واخت ایستره‌م، اوندا دا سوروشارام، باشا دوشدون! سن مندن سوروشا بیلمزسه‌ن، هاردان گلیرم. اؤزوم بیلره‌م، هارا ایستره‌م گئدره‌م، نه واخت ایستره‌م گلره‌م! قیزام من؟ گئج گل‌سه‌م، نه اولاجاق، توتوب زورلایاجاقلار؟ سن منه گؤستریش وئره‌جک‌سه‌ن؟
قادین یئرین‌دن قالخیب پنجره‌نی اؤرت‌دو.
- پنجره‌نی نیه اؤرتورسه‌ن؟ – کیشی گؤزلرینی برلدیب سوروش‌دو.
- ائله-بئله.
- نئجه یعنی ائله-بئله؟
- قونشولار ائشی‌دیر، یاواش...
او، اوتوردوغو یئردن اوزانیب پنجره‌نی آچدی. قیشقیرا-قیشقیرا:
- آلا، قوی ائشیت‌سینلر، جهنمه ائشیت‌سینلر، قارا گورا ائشیت‌سینلر. قونشولارین دا وار-یوخونو...
قادین داها دؤزه بیلمه‌دی، یئرین‌دن قالخیب یاتاق اوتاغینا کئچمک ایسته‌دی. ائله بیل‌دی، دوروب گئت‌سه، ارینین سسینی ائشی‌دن اولمایاجاق. اری دالینجا:
هارا گئدیرسن؟
باشیم هرلنیر، اوزانماق ایستییرم.
هئچ هارا گئتمه‌یه‌جک‌سه‌ن، گل اوتور چؤریینی یئ!
یئمک ایستهمیرم، ایشتاهام یوخ‌دو، اورییم بولانیر.
قورخما، اؤلمزسه‌ن، گل اوتور بوردا.
قادین قاپینین کاندارین‌دا دایانیب ارینین قان قویموش گؤزلرینه باخدی. نه ائدجیینی، هارا گئدجیینی بیلمه‌دی. اوتورسون نئینه‌سین، گئت‌سین نئینه‌سین؟! او، قفیلدن ایتی آددیملارلا یاتاق اوتاغینا ساری گئت‌دی، قاپینی دالینجا چکیب اوزو اوسته تاختا سریل‌دی. اری بایاق‌دان بونو گؤزلییرمیش کیمی، اؤزونو اوتاغا سالدی.
دور آیاغا!
...
دور آیاغا ائشیتمیرسن؟
قادین یئرین‌دن ترپه‌نمه‌دن وار گوجو ایله:
دورمورام! دورمورام! ال چک مندن! – دئیه قیشقیریب هؤنکوردو.
اری اولجه گؤزلرینی دؤی‌دو، سونرا:
نئجه یعنی دورمورام؟! – دئییب اؤزونو قادینین اوستونه آتدی. اونو آرخاسی اوسته چئویریب وار قوه‌سی ایله بیر شیلله ائندیردی.
دور آیاغا!
...
ائشیتمیرسن؟
...
قادین جاواب وئرمه‌دی، چونکی هئچ نه هیسس ائتمیردی...
***
یوخویا گئتمیش کؤرپه‌نین اللرینی سینه‌سین‌دن آییریب، دؤشونو اونون آغزین‌دان چیخاردی. ائهمالجا گؤتوروب یئرینه قوی‌دو. اییلیب توتوق یاناقلارین‌دان اؤپدو، قوخوسونو جیرلرینه چکدی. قاپینی یاواشجا اؤرتوب آیاغینی چکه-چکه اوتاق‌دان چیخدی. اری تئلئویزورا باخیردی. قادین اوتاغا – ارینین یانینا گئت‌دی. اوچ گون ایدی بیر-بیریلرینی یاخشی گؤره بیلمیردیلر. دوغوش چوخ چتین اولموش‌دو. هکیملر ایکی‌سین‌دن بیرینین ساغ قالاجاغینی دئسه‌لر ده، معجزه نتیجه‌سین‌ده هر ایکی‌سی خلاص اولموش‌دو. قادین قیزینین دوغولماسینا سئوینه بیلممیش‌دی. اری هر دفعه اونا خاتیرلاتدیقجا کی، قیزین اولسا، خستخانادان آتان ائوینه گئدرسه‌ن، او، آنا اولماق‌دان قورخوردو. اما هکیم اؤلومله حیات آراسیندا چیرپینان قادینا: «قیزین اولدو، گؤزون آیدین!» – دئیه‌ن‌ده بوتون آغریلارینا رغمه‌ن یئرین‌دن دیک آتیلیب گؤبیی هله کسیلممیش کؤرپه‌سینی گؤرمک ایسته‌دی. آغری‌دان زاریییب یئنی‌دن آرخاسی اوسته دوشدو. زاریییب باشینی یانا چئویردی. ائله بو آن قارنینین اوستونه دوشه‌ن ایستی بیر شئی اونو قوجاقلادی. دیکسینیب باشینی قال‌دیران‌دا قارنینین اوستونه آتیلمیش، اوزون دیرناقلارینی آناسینین قارنینا سیخان کؤرپه‌سینی گؤردو. بو ایستی‌لیک اونون بوتون ووجودونو ساردی، قلبینه یاییل‌دی. بیردن-بیره او، کؤرپه‌سینی قوجاغینا آلماق، سینه‌سینه سیخیب اونو اوشودن فیکیرلردن قورتولماق ایسته‌دی. هکیم کؤرپه‌نی قادینین اوستون‌دن گؤتوروب گوله-گوله:
- دئییرلر، کؤرپه دوغولان کیمی آناسینین قارنی اوستونه قویولان‌دا آناسینا داها چوخ باغلی اولور، - دئدی.
کؤرپه‌نی بیر گؤز قیرپیمین‌دا بله‌ییب یان ایستولون اوستونه قوی‌دولار. قادین قیزینا طرف بویلاندی. ایسته‌دی دئسین کی، یانیما قویون، اوتان‌دی. کؤرپه ائله بیر آغیز دوغولان‌دا آغلادی، سونرا هئچ سسینی ده چیخارتمیر، هله آناسین‌دان باشقا هئچ نیی آییرد ائتمه‌یه‌ن گؤزلری ایله اطرافی «سئیر ائدیردی». سانکی قیز اولدوغونا اوتانیرمیش کیمی، سسینی ایچینه قیسیب لال-مات دایانمیش‌دی. اونونلا عینی واخت‌دا آنادان اولان اوغلان اوشاغی آرا وئرمه‌دن جیر سسی ایله چیغیریر، ائله بیل هامییا: «من اوغلانام، من کیشییه‌م!»-دئیه آجیق وئریردی. قادین قیزینین یانین‌دا بار-بار باغیران بو اوغلان اوشاغینین قالیبانه هایقیرتی‌سینا دؤزه بیلمیردی. او، اؤز زاوال‌لی کؤرپه‌سینه باخیب دوشونوردو: »سن‌دن اؤترو نینکی آتام ائوینه، جهنمه ده گئتمه‌یه راضییام. رد اولسون هر شئی، سن‌دن اؤترو یاشایاجام، یاخشی کی، سن قیزسان، سن منیم قیزیم‌سان، اؤز قیزیم». بیردن اونا ائله گل‌دی کی، کؤرپه‌سی دوغولمازدان اول آتاسینین دئدیکلرینی ائشیدیب، اونا گؤره بئله سوسور. قادین اوزونو یانا چئویریب علینین آرخاسی ایله گؤزونون یاشینین سیل‌دی...
***
اری دیوان‌دا اوزانیب آیاقلارینی دیوانین قولتوق یئرینه قویموش‌دو. قادینین اوتاغا گلدیینی گؤرسه ده، اؤزونو او یئره قویمادی. قادین اونون یئرین‌دن ترپنمدیینی گؤروب یئرده، خالچانین اوستون‌ده اوتوردو. زورلا آیاقلارینی قارنینا طرف ییغ‌دی. آغری‌دان اوفول‌دادی. اری گؤزووجو اونا باخدی.
نه اولدو؟
هئئچ...اوتورا بیلمیرم...
بؤیوک شئی اولوب.
او نه دئمک‌دی؟
نئجه یعنی نه دئمک‌دی؟
من اؤلوم‌دن دؤنموشه‌م، سنین دئدیین سؤزه باخ.
قهره‌مان‌لیق ائل‌می‌سه‌ن! نارکومانلارین، آلکاشلارین آروادی بیر قوجاق اوغلان دوغور، منیم آروادیم قیزی دوغوب گلیب اوستومه. نه ایستییرسن، کؤنلون‌دن نه کئچیر؟ سنی قوجاغیم‌دا گزدیریم؟
بس‌دیر، اوشاق یاتیب.
جهنمه یاتیب.
ائله دئمه، اللها آجیق گئدر. او قیزین بیر دیرناغین‌دان اؤترو قوربانی باغلی قالیب، ائوی داغیلانلار وار. سن نه دانیشدیغینی بیلیرسن؟
کیمه آجیق گئدر؟ اللها؟ سنین ده، سنین اللهینین دا....الله نیه سنه اوغول وئرمه‌دی، هه، نیه؟ وئری‌دی ده، اؤلورسه‌ن اوندان اؤترو.
ائله دانیشما، اوشاغا بیر شئی اولار.
پاه! اوغلان دئییل کی، اولسون دا.
قادین گؤز یاشلارینی ساخلایا بیلمه‌دی. آیاغا دورماق ایسته‌دی. آغری‌دان اینیل‌ده‌ییب آشاغی چؤک‌دو. باشینی دیزلرینه دوغرو ایدی. آغرینی بهانه ائدیب زاری‌دی.
***
متبخه کئچدی. پیققاپیقلا قاینایان چای‌دانین بوخاری اوتاغا دولموش‌دو. او، چایی دمه قوی‌دو، قازا سؤیکنیب دمله‌نمه‌سینی گؤزله‌دی. واخت اونا او قدر اوزون، زهلتؤکه‌ن گلیردی کی، ائله بیل بیر نئچه دقیقه یوخ، بیر-نئچه ایل کئچدی.
بایاق‌دان سوزوب ایستولون اوستونه قویدوغو چای سویوموش‌دو. دوشونه-دوشونه ایستکانی او یان-بو یانا فیرلادیر، گؤزلرینی بیر نقطه‌دن آییرا بیلمیردی. چایی نئچنجی دفعه تزه‌لدیینی خاتیرلامادیغین‌دان اسبیلشیردی. قوناق اوتاغینین قاپی‌سینی اؤرت‌دو، یازیق-یازیق اونا باخیب آغلایان کؤرپه‌نی سینه‌سینه سیخدی کی، اری سسه آییلماسین. بیلیردی آییل‌سا : «گؤرمورسه‌ن، یاتمیشام، نیه کسمیرسن بونون سسینی؟» – دئیه باغیراجاق. قادین دا جاواب وئره بیلمدیین‌دن بوتون هیرسینی، آجی‌سینی ایچینه ووروب اؤزونو دیدیب-داغی‌داجاق. مؤهکه‌م چیغیرماق ایسته‌یه‌جک، اوستونه یویوروب وار گوجو ایله اونو یومروقلاماق، یومروقلاماق، بوتون هیرسی-هیککه‌سی چیخانا قدر یومروقلاماق ایسته‌یه‌جک، آنجاق باجارمایاجاق.
یاتاق اوتاغینین قاپیسی جیریل‌دادی. قادین گؤزوجو قاپییا طرف باخدی. اری قاپینی آچیب ایچری بویلاندی. یاتماق‌دان گؤزلری، دوداقلاری شیشمیش‌دی. قادین باشینی قال‌دیرمادی. اری هئچ نه اولمامیش کیمی سوروش‌دو:
- نئینیرسن؟
قادین میزیل‌دانا-میزیل‌دان‌دی:
- هئچ نه...
- نه اولوب، نیه بورنونو ساللامی‌سان؟
- اؤزون یاخشی بیلیرسن.
- نیی بیلیرم، نیی؟ – دئییب اؤزونه دیوان‌دا، قادینین یانین‌دا یئر ائل‌دی. علینی اونون بئلینه کئچیریب، بوینون‌دان اؤپمک ایسته‌دی. قادین علیله یونگولجه، بیر آز دا قورخا-قورخا اونو ایت‌له‌دی. کیشی اونو اؤزونه سیخدی.
- یانیما گل، گل بورا.
قادین آیاغا قالخدی، کؤرپه‌نی آپاریب چارپایی‌سینا قوی‌دو. اوتاق‌دان ارینین سسی گل‌دی:
- چای گتیر.
- گتیریرم، - دئیه قادین هوس‌سیز-هوس‌سیز جاواب وئریب متبخه کئچدی. همیشکی کیمی چای‌دان قازین اوستون‌ده ایستی ایدی. چایی همیشه حاضر اولاردی. اوللر او، بوتون ائو ایشلرینی سئوه-سئوه گؤرردی، همیشه دئیردی کی، عائله‌ده هر شئی مهببت‌دن دوغمالی‌دیر، سئوگیله گؤروله‌ن ایشده‌ن گول ایگی گلر. آنجاق ایندی اونا اذیت وئریب اینجی‌دن، ارینین تنه‌لری، تحقیرلرین‌دن داها چوخ، بوتون ایشلرینی سئوگی‌سیز، جاندردی گؤرمه‌سی ایدی. هئچ ندن زؤوق آلا بیلمیردی.
عادتی اوزره، مجمیییه چایلا برابر بیر قنددان‌دا قند، بیرین‌ده کونفئت، بیر بوشقاب‌دا دا شیرنیات قویوب اوتاغا کئچدی. مجمیینی ایستولون اوستونه قویوب دؤنه‌ن‌ده اری قولون‌دان توتدو:
- سن الله سنه نه اولوب؟
قادین گؤزلرینی قیرپمادان ارینین اوزونه باخدی. اونون سؤیدویو سؤیوشلر، تهقیرلر قادینین قولاقلارین‌دان چکیلممیش، او آرتیق نه ائتدیینی اونوتموش‌دو. قادین جاواب وئرمه‌دی، قولونو اونون کوبود و گوچ‌لو علین‌دن دارتیب آلدی. هئچ بیر ایشی اولماسا دا، متبخه کئچدی. آلنینی پنجره‌نین شوشه‌سینه دایاییب تینجیخ‌دی. بیردن ارینین آیاق سسلرینی ائشیت‌دی. او، متبخه گلیردی، اؤزو ده چوخ هیرس‌لی گلدیینی آیاق سسلرین‌دن احتیمال ائتمک اولاردی. قادین نه ائدجیینی بیلمه‌دی. آرتیق یورولموش‌دو. هیسس ائدیردی کی، هر شئیین سونودور و او سون چوخ یاخین‌لیق‌دا، بیر آددیم‌لیق‌دادیر.
کیشی متبخه کئچدی. ایکی اوتاغین آراسین‌داکی بئش آددیم‌لیق یول قادینا نه قدر زهلتؤکه‌ن، اوزون گؤرون‌دو. آز قالا قیشقیریب : »نه ائل‌یه‌جک‌سه‌ن، تئز ائله، بیت‌سین هر شئی،» – دئمک ایسته‌دی، آنجاق بونا احتیاج قالمادی. اری وار گوجو ایله اونون هر ایکی قولون‌دان توتوب اؤزونه چکدی. قادینا ائله گل‌دی کی، قوللاری دیبین‌دن اوزول‌دو. کیشی گؤزلرینی اونون گؤزلرینه دیکیب دلی کیمی باغیرماق ایسته‌دی، آنجاق آستادان پیچیل‌دادی:
- مندن بوشان‌سان، هارادا راستیما چیخ‌سان، سنی اؤز اللریمله یورتاجام، کوچه‌نین اورتاسین‌دا دا اولسا، قانینا قلتان ائد‌جه‌م.
قادین ساکیت، هئی‌سیز حال‌دا:
- کیم دئدی کی، من سن‌دن بوشانیرام؟ – دئدی.
- هئچ کیم، اما بیر سؤزدو ده دئییرم، یادین‌دا ساخلا، - دئییب اونو اؤزونه سیخدی.
قادین، بیر زامانلار نفه‌سین‌دن بئله سئوگی اتری دویدوغو کیشی‌دن ایره‌ن‌دی. حتی اوزونه توپوروب اونو رد ائد‌جک قدر، لاکین هیسسلرینی بوروزه وئره بیلمزدی، بونا ایختیاری یوخ ایدی، آخی او، اؤز هیسسلرینین و آرزولارینین دئییل، اونون قولو ایدی. بونو آنلاماق و قبول ائتمک نه قدر آغیر، جانسیخیجی ایدی. قادین بوغولا-بوغولا باشینی اونون سینه‌سینه قوی‌دو. اری قادینین اونو ترک ائدجیینی دوشونه‌ن‌ده اؤزونو آلچالمیش هیسس ائدیر، حده-قورخولاری ایله اؤزونو سیغورتالاییب، قادینی قاباقلاماق ایستییردی. قادین ایسه فینالی گؤروردو آرتیق، چونکی بو فینال ایندی داها چوخ اوندان آسی‌لی ایدی. بونا بیرجه همله کیفایت ایدی. اصلین‌ده، او، نؤوبتی داوا-دالاشی آرزو ائدیردی. آرزو ائدیردی کی، یئنه عالم قاریش‌سین بیر-بیرینه، اری یئنه اوستونه شیغیییب وار قوه‌سی ایله اونا بیر-ایکی شیلله ایلیش‌دیرسین. او، دا اؤزونو ساخلایا بیلمه‌ییب دیزلری اوسته یئره دوشسون. بون‌دان سونرا اری قاپینی چیرپیب گئده‌جک، او دا همیشکی کیمی اوزونو اللرینین آراسینا آلیب اول بوغولا-بوغولا، سونرا دا هؤنکوره-هؤنکوره، یانا-یانا یورولوب الده‌ن دوشندک آغلایاجاق‌دی. سونرا آیاغا قالخیب بیر خئی‌لی گوزگو قارشی‌سین‌دا دوراجاق، قیزاریب شیشمیش گؤزلرینه باخاجاق، باخاجاق، اؤز-اؤزونه: »بیر ده، بیر ده بئله اولسا، چیخیب گئده‌جه‌یه‌م!»- دئییب یئنه ده نیی‌سه گؤزله‌یه‌جک. نیه بو ائوی ترک ائتمه‌یه جورتی چاتمیردی، نه ایدی اونو بورا باغلایان، اؤزو ده بیلمیردی. بیرجه اونو بیلیردی کی، بو هیسس هر ندی‌سه، سئوگی دئییل.
بیر دفعه اری ایله یولا گئتمه‌یه‌ن یاخین رفیقه‌سی اونا دئمیش‌دی کی، آرتیق اری‌می سئومیرم، منی اونا باغلایان یاتاق‌دان باشقا بیر شئی دئییل. اؤزونه ده دئمیشه‌م کی، سنینله آنجاق بونا گؤره یاشاییرام. قورخورام کی، آیریلام، سونرا دا اؤزومو ساخلایا بیلمه‌ییب اؤزگه کیشیلرله یاتیب-ائلیره‌م، بیابیر اولارام. ائله هالال اریم‌سه‌ن ده، اونا گؤره ده بیز بیر یئردییک. او زامان قادین هله عائله قورمامیش‌دی، بو صحبتین معناسی اونا چاتمامیش‌دی. باشا دوشه بیلمیردی کی، نئجه اولا بیلر، سئومدیین بیری ایله بیر تاوان آلتین‌دا یاشاماغا مجبور اولاسان، اؤزو ده گؤر نیه گؤره. ایندی اؤز باشینا گلنلردن سونرا سوبای واختی اونو حیرتله‌ن‌دیره‌ن بو مثلاًی داها یاخشی درک ائدیر، یئنه ده اؤز فیکرین‌ده قالیردی. چونکی سئوگی‌سی اؤلدوکجه اونون اوچون ان دؤزولمز عذاب گئجه‌نین دوشمه‌سی، ارینین اونو قوجاغینا آلماسی ایدی. گئجه‌دن-گئجه‌یه، یالنیز یاتاق اوتاغین‌دا نوازیشین نه اولدوغونو خاتیرلایان بو آدام‌دان او قدر چیرگینمیش‌دی کی، اؤزونو هالال-هومبت ارینین قوجاغین‌دا کوچه قادینی کیمی هیسس ائدیر، اؤزونه نیفرت ائدیردی و درک ائدیردی کی، بئله یاشاماق اولماز. ایندی رفیقه‌سینین حرکتی اونا داها دا آنلاشیلماز گؤرونوردو.
***
... کؤرپه‌نین سسی اونو فیکیردن آییردی. تئز اونو بئشیک‌دن گؤتوروب سینه‌سینه سیخدی. قوناق اوتاغینا کئچدی. علین‌ده‌کی بیچاغی ایستولون اوستونه قوی‌دو. تئلئویزورو آچدی، فیلم گئدیردی. آیاقوسته کؤرپه‌نی قوجاغین‌دا ساکیتلش‌دیره-ساکیتلش‌دیره بیر آز باخدی. نسه ماراق‌لی گل‌دی. دئیه‌سه‌ن، تزه باشلامیش‌دی. دیوان‌دا اوتوروب ماراقلا فیلمه باخماغا باشلادی.
گئجه‌نین بیر یاری‌سی ایدی. قادین ساعتا باخدی.
- آی آمان، ساعت اوچدو کی! – دئدی اؤزو-اؤزونه، - من نئینییم؟
او، نه ائدجیینی بیلمیردی. باخدیغی فیلم فیکیرلرینی تامامیله آلت-اوست ائتمیش‌دی. فیلمین باش قهره‌مانی ارینین ظلملرین‌دن تنگه گلیب اونو قتله یئتیره‌ن قادین ایدی. اونون هبسخانادا یاشادیقلاری قادینی سانکی یوخودان آییلت‌دی. حیاتینی محو ائتمک، اؤمرونون ان گؤزل چاغلارینی دؤرد دیوار آراسیندا کئچیرمک، اؤولادینا لازیم اولان واختلاردا اونون یانین‌دا اولماماق... بوتون بو فیکیرلر اونا بو ائودکی سونونجو شیلله کیمی دی‌دی. اوریی سینه‌سین‌ده یارالی قوش کیمی چیرپینماغا باشلادی. اوتاق‌دا وار-گل ائتدی. نه ائدجیینی بیلمیردی. آنجاق نسه ائل‌مه‌لی ایدی، اؤزو ده بو گئجه.
بارماقلارینین اوجوندا یاتاق اوتاغینا کئچدی. ارینین نفه‌سینه قولاق آسیرمیش کیمی اونا ساری اییل‌دی. یوخ، برک یاتمیش‌دی، آیی‌لانا اوخشامیردی. آنا-بالا اؤزلرینه لازیم اولان پال-پالتار و اشیالاری قاران‌لیق‌دا الهاواسی چانتایا ییغ‌دی. اوتاق‌دان چیخان‌دا دؤنوب ارینه باخدی. او، هله یاتیردی...
اوشاغی یورغانچاسینا بوکوب باغرینا باس‌دی.
- باغیشلا منی، قوزوم، باشقا چیخیش یولوم یوخ‌دور. سن منی باشا دوشه‌جک‌سه‌ن، - دئییب کؤرپه‌نین آلنین‌دان اؤپدو.
سون دفعه ائوینه باخدی، هر طرفه گؤز گزدیریب، ایشیغی سؤن‌دوردو.
