کولت. آذ قالیب نوری عاریفین «دوست» شئیرینی تقدیم ائدیر.

آخشام‌دیر، آتاملا صحبت ائدیره‌م
بیر سیرری آچماغا دئدیم آجیزه‌م.
آتام دئدی: اوغول، ندیر کی، او سیرر،
سنی آجیز بیلیب عذاب یئدیریر.
آتام‌دان سوروشدوم، دئدیم دوست ندیر؟
آتام دئدی: اوغول، دوست خزینه‌دیر،
شئکسپیر چاغیرمیش دوستو بو آدلا،
قلبین خزینه‌سی دئیه اینادلا.
فقط، حرام شئیلر دوشونه‌ن بیر کس
او خزینه‌یه ال اوزادا بیلمز.
دیری دونیانین دیرین‌دن چوخ،
اؤلچوده، چکی‌ده برابری یوخ.
آنجاق دوست سؤزونون هر بیر حرفینین
گرک دوست آختاران آنلایا سیررین.
د- حرفی دومان‌دیر، گؤرونمور سونو
کشف ائتمک چتین‌دیر کیم اولدوغونو.
بو توستولو هاوا شاختایا دئییل،
اودا چئوریلرسه، خئیرینه‌دیر بیل.
بو حال طبیعت‌ده گؤرونور آیدین،
ایستی‌لیک اوزونو آچیر دومانین.
او - حرفی اوددور کی، یاندیرار سنی
بیشیریب آنلادار مهببتینی.
دئیه بیلرسه‌ن کی، اوددان-آلوودان،
نئجه ایلهام آلار یانان بیر اینسان؟
طبیعت مکتب‌دیر، دقت یئتیرسن،
آچیق-آیدین اؤزون باخیب گؤررسه‌ن.
دمیر یانا-یانا بیشمه‌سه اوغول،
اثر اولا بیلمز، بونو یاخشی بیل.
شمس تبریزییه راست گلدیی زامان
مؤولانا آلیش‌دی شم‌سین اودون‌دان.
دئدی: اول خامدیم، یاندیم، بیشدیم من.
شم‌سین آتشیله دوغدوم یئنی‌دن.
آلوو آلیشدیقجا بوخار یارادار.
یانماغین سونون‌دا صاف‌لیق وار، سو وار.
معناسی اولمالی یانماغین دا بیل،
معناسیز اود-آلوو مهببت دئییل.
س- حرفی سودور کی، سؤندورور اودو،
صاف‌لیقلا یارادیر اؤز قانونونو.
ایکی سیفتی وار، فقط سویون دا،
لازیم‌سیز یئرلرده سئویلمیر او دا.
نظامی سؤیلمیش سویون سیررینی،
حیکمتله گؤسترمیش اونون یئرینی.
بیر اینجی صاف‌لیغی اولسا دا سودا،
آرتیق ایچیله‌ن‌ده درد وئریر او دا.
نظامی دوستا دا ملهه‌م‌دیر دئییر.
دوست ملهه‌م اولاراق راحت‌لیق وئریر.
بوتون یارانانلار، دونیادا نه وار،
سو ایله حیات‌دا دیری‌لیک تاپار.
هاوا، اود، سو اوغول، کشف ائدیلمه‌سه،
تورپاق اؤز سیررینی دئمز هئچ کسه.
ت - حرفی تورپاق‌دیر، نه عکسه‌ن بیتیر.
چکدیین زحمتی قیمت‌لی ائدیر.
حتی شوران بئله اولسا دا تورپاق،
یئنه یووشان کیمی گولو اولاجاق.
سخاوت، عدالت، سئوگی‌دیر تورپاق،
نه عکسه‌ن امانت دئییب آلاجاق.
ائله کی، بو حاللار یاران‌دی سن‌ده،
دئمک، فواد گؤزو آچدی قلبین‌ده.
مؤولانا دوستو گؤرمه‌یه‌ن گؤزو،
دئییر دوست سایمایین آلدادیر سیزی.
چونکی، حقیقی گؤز دوستو گؤره‌ن‌دیر،
اونو درک ائیله‌یه‌ن، ایدراک ائد‌ن‌دیر.
آنلادین‌می اوغول، دوستو اولمایان،
دونیادا قلبی کور کئچیریر دؤوران.
تاریخه دقتله یاناش‌سان اگر،
کور هومئری تاریخ سنه گؤسترر.
مشهور «اودیسسئی»i، «ایلیادا»نی
هومئرین قلبینین داستانی تانی.
گؤزدن کور اولسا دا یازدی، یارات‌دی.
دونیایا اب‌دی بیر ایمضا آتدی.
اوغول، قلبی گؤردو بؤیوک هومئرین،
قلبینین نورو ایله یازدی اثرین.
چونکی، قلب آخیرت دفتری‌دیر، بیل،
قلب‌دن هئچ بیر عمل گیزلین‌ده دئییل.
آنجاق قلبی عقلی وحدت قورانلار
دوست خزینه‌سینه صاحب اولارلار.
بو بؤیوکلویودور تورک دیلیمیزین،
بیزی تفککورله ائیلییر متین.
تفککورسه رببین درگاهین‌دادیر.
اینسان پاک اولان‌دا اورا یول تاپیر.
چونکی، قلب صاف، تمیز اولماسا اگر،
تکببور دئییله‌ن چیرکابا دوشر.
کیمین دوستو وارسا دونیادا اینان،
بؤیوک موکافات‌دیر اونا الله‌دان.
دوست اولان کؤنول‌ده ایمان وار، حاق وار.
یالنیز ایمان‌لی قلب جننته چاتار.
دوست سؤزو هئجایا بؤلونمور اوغول،
چونکی قلب سؤزو ده بؤلونه‌ن دئییل.
دوستو قلب کشف ائدیب سئچدیی اوچون،
اؤلچوسو، چکی‌سی عینی‌دیر بوتون.
قلب سئوگی، مهببت مملکتی‌دیر،
او قلب عشقی بیزه ارمغان ائدیر.
عشقه هاردان باخ‌سان آتالار دئییر،
اوردا آچیق-آشکار الله گؤرونور.
اللهی سئیر ائد‌ن گؤزلرسه، اینان،
گوناه‌دان یان قاچار، قورخوب الله‌دان.
نئجه کی، نیزام‌لی قورولموش دونیا،
نیزاملا یاناشاق گرک بیز اونا.
اؤلچودن کنارا چیخان نه وارسا،
سون‌دا محکوم اولور، دؤنور ایفلاسا.
آنجاق، آتالاردان بئله مثال وار،
هر گؤزل اولانین بیر ائیبی اولار.
ائییب‌سیز دوست گزه‌ن، آختاران کسی،
دوست‌سوز قالا بیلر سؤیلمیش توسی.
دئمه‌لی، اللهین مرهمتین‌دن،
اؤزون‌ده نومونه ائتمه‌لی‌سه‌ن سن.
بو عمل گؤیلره اوجالدار سنی،
دوستلوق‌دا آرتیرار مهببتینی.
گؤرورسه‌ن‌می، اوغول، دوست اولماق ندیر؟
دوستلوق اینسان‌لیق‌دا بیر نومونه‌دیر!