کولت. آذ عباسقولو آغا باکی خانوو "خییرلی ایشین فایداسی" منظوم حکایه‌سینی تقدیم ائدیر:

بیر قوجانی گؤردو جاوان بیر امیر،
کی، باغیندا زحمت چکیب قوز اکیر.
گولوب دئدی: «ائی زاواللی بیله‌سن،
درد قالاجاق سنه بونجا زحمتدن.
باشقا عؤمور لازیمدیر کی، بو آغاج،
مئیوه وئریب، دردینه اولسون الاج؟».
قوجا دئدی: «ای شؤهرتلی حؤکمدار،
باشقالاری اکدی، یئدیک، نه اولار؟
ایندی ده بیز زحمت قبول ائد‌رک،
نسیللرچین قوز آغاجی بئجرک.
یاخشیلیغین بودور رسمی دونیادا،
یاخشیلیق ائت، سنی سالسین ائل یادا».
امیر اونون سؤزلرینی خوشلادی،
نئچه دینار چیخاریب باغیشلادی.
قوجا دئدی: «چوخو اکدی او ایللر--
گؤزلدی کی، اکدیی وئرسین ثمر.
من اکیردیم باشقالارچین، گولدو باخت،
محصول آلدیم زحمتیمدن اکن واخت.
ائل اوچون کیم گیریشرسه بیر ایشه،
اؤزو دخی خییر گؤرر همیشه».
قودسی، بو خوش سؤزلرین نه خیری وار،
دئدیینی ایشده ائیله آشیکار.