کولت. آذ آذربایجانین گنج، سئویلن شاعری اولان آقشین ائوره‌نین "بوتون دونیا اینسانلارینا" شعرینی تقدیم ائدیر.

داغیتمایین ائولری،

اوردا قاریشقا یووالاری اولور.

یئنی بیر حیاتا

بوتون قارانلیق قاپیلاری اؤرتمکله باشلایین.

نه قدر کی قارادیر، سیغال چکن آنانیزین تئلینه،

گونه آتانیزین الینی اؤپمکله باشلایین.

سونرا داغیتمایین ائولری،
اوردا قاریشقا یووالاری اولور...

بیراز آستا دانیشین،

قونشو اوشاقلارینی قورخوتماسین ائودکی داوا-دالاش.

ائوده‌ن چیخیب لپه‌له‌نین دنیزه ساری،

قاغاییلارا یئم آتین، دیمه‌سینلر بالیقلارا

پیچیلدایین دنیز حاق‌دا دئییلمیش او محتشم سؤزلری:

"دنیز کناریندا قاچان آلاباش..."

داغیتمایین عائله‌لری

اوردا اوشاق اویونجاقلاری اولور.

بئشیک سسینی دییشمیین قاتار سسینه

آخی کؤرپه‌نین ییخیلیب-دورماغی دا ناماز قیلماقدی.

ائوینیزه قاییدین... ائوینیزه

قاپینیزین چفته‌سیندن برک-برک یاپیشین،

گئتمک بیرازدا هانسی طرفه ییخیلماقدی.