کولت. آذ میللی-مده‌نی فعال، گونئی‌لی شاعر حبیب ساسانیاناین "فاذری" شعرینی تقدیم ائدیریک:

داریخیر ایچیمده بوْغولان سسیم

منی اؤزگه لر یوْخ، اؤز اَلیم بوْغور

اونودوب تورانی ایگید اَرَنلر

آلیشیب ایرانا "فاذری" دوْغور!!!

تۆرکۆن گؤز ببه یی اردبیلینده

ساوالان، سبلان ـ آرازیم ، ارس!

اونودوب اورمونون گؤلۆنۆ نه دن؟

دردی خلیج فارس! بو نه ایش - نه سس؟

بو فالا، لاخدی لاخ ـ آلدادیر اؤزۆن

ساریسی، آغینا قاریشا بیلمز

بئینی بوْش عالیملر، یالتاق مانقوردلار

اؤز آنا دیلیله باریشا بیلمز.

آغلاماق گرکدیر غضب ـ قهَر دن

ضالیمه سیغینیب گَییشنلره

گؤزل کهلیکلرین نازلی سَکیشین

قارغا یئریشیله دَییشنلره .

بامسی بئیره یینی ـ دلی دۆمرۆلۆ

تانیمیر، رۆستمی باسیر باغرینا!

بورلا خاتین کیمدیر؟ هئچ ائشیتمه ییب!

قانمازی نه فایدا بیر عؤمۆر قینا؟

اۆزۆلمه یاکاموز، زامان دَییشیر

بو قارانلیق گۆنلر یئتیشر سوْنا

اؤزگۆر آزربایجان بو شانلی وطن

گئیینر بیر داها آل ـ الوان دوْنا.