کولت. آذ گونئی‌لی شاعر علی جوادپوراون شعرینی تقدیم ائدیر:

کۆسدوم کی، بیله‌سن اومان یئریمسن
داغامسا، زیروه‌مسن دومان یئریمسن
سن منیم سونونجو گمان یئریمسن
آلدانیب هر جیغیر ایزینه گئتمه

سیندیرما داغلارتک، سرت ووقارینی
قوْرو غیرتینی، قورو عارینی
اوخشاییب هرکؤکده کؤنول تارینی
اوُیوبان هرکیمین سؤزونه گئتمه

بؤیله آجی کئچن حیاتیمیزدیر
بؤیله سیزیلدایان بایاتی‌میزدیر
بؤیله پیس قوخویان بویاتیمیزدیر
چوخدا سن هرنه‌یین گیزینه گئتمه

نه اؤزونو دوغرا، نه اؤزونو کس
سوسمالی مقامدا سوس، چیخارما سس
اؤز ائوینده اوتور، تیتره، اس
اؤزگه اوجاغینین کؤزونه گئتمه

نه قدر یارادیب، نه قدر یازسان
اوقدر باهارسان، اوقدر یازسان
کیم دئسه: یازساندا، بیلکی قالمازسان
اینان اَیری‌سینه، دۆزونه گئتمه