کولت. آذ گونی آذربایجانین میللی-مدنی فعالی، "یاکاموز" لقبلی حبیب ساسانیانین شعرینی تقدیم ائدیر:

بیر یاکاموز اَزیلیرسه

مین یاکاموْز باش قاوزاییر

کؤتۆ دوشمن گۆنۆ ـ گۆندن،

آزغین اوْلوب یوْلدان جاییر

قاندال ایز سالسا قوْلومدا

جان وئره رم حاق یوْلومدا

ایگیدلر وار ساغ ـ سوْلومدا

آنا دیلی هارایلاییر

بو گۆنلری تاریخ ساییر...

"ایگید بیر یوْل اؤلۆب گئدر

قوْرخاق ایسه گۆنده مین یوْل"

قهرمانلار بئجرمیشیک

بو توْپراقدا بیزلر بوْل ـ بوْل...

قلم سوْندا اۆستۆن گلر

قیلینجلارا ـ قالخانلارا

باش اَییرم قوْجا یوردوم

اوزمان لارا ـ خاقان لارا...

گۆنش سایاق پاریلدایان

آزربایجان دیاری دی

قوْچ نبی لرـ زهتابی لر

ایگیدلرین دیاری دی...

بار گتیرن آغاجلاریم

کؤک سالیبدی، بو دیاردا

قوْندارما تاریخ آلینماز

"حبیب " دئییر؛ داها بوردا.

حبیب ساسانیان ( یاکاموز )