آنا صحیفه ادبیات |
کولت. آذ مجتبی نهانینین "سنسیزلیک" شعیرینی تقدیم ائدیر:
(۱)
نه قورشون
نه یارا
نه قان
آغریمیبیله تاپانمیرام
بئله وورغون دوشموشم کی سنه
آغزیمیدا آچانمیرام…
(۲)
آنلیمین تاسی
دوشدو یئره
یا بیر یا آلتی نه فرق ائدهر-
گؤزلریم سنه باغلانماسا…
(۳)
دار بیر کوچهده
وورغون دوشدوم سنه
آدین حیات قویدولار…
(۴)
هاوا دومانلیدیر
بیزیم تبریزیمیزده
ائله ازلدن بری
ایستهسم گئدهم-
چیخمازا گلر هر زامان
(۵)
یوخلوغون
بوتون شههری بورودو اؤزونه
یوللار بؤلوندو
آیریلیق یاییلدی هر یئره
هارالارا قاچیم
آیاقلاریمین آلتی بوشالدی-
سون باخیشیندان
گئتمهییم چیخمازا گلدی
(۶)
یاشامین دؤشون اَمیب،
توپوردون میهئچ
ایلک یالاماقدی ایستهیین
ایشینه گلمدییینده
یئمهیه باشلادین-
اوجوندان، دیبینه قدهر…
آی اوغلان نئجه بیتیردین-
بو گؤزلیم چاتلامیش دویغویو
(۷)
دَلی آختارما
آی منی، مندن ایتگین سالان
گونبهگون
سنی سئودیکجه
وورولموش بئیینلرین آراسیندا
دَلیلنیرم…
تاریخ
2020.05.16 / 16:25
|
مولف
آینورا مممدووا
|