کولت. آذ ائلمار ووقارلینین "هر شئی کؤهنلیب" شعیرینی تقدیم ائدیر:

گؤزلریمی یوموب اونودورام اینجیکلیگی،
باغیشلاییرام سنه باغیشلاماق اولمازلاری…
سوسورسان!
اوریین سویودومو نیفرتدن؟
ایستیینجه گئییندین‌می قاراسینی هر شئیین؟!
اندیردینمی قارغیشینی سوکوتون قولاغینا؟
بوندا تزه نه وار کی…
اولانلار دا بئلدی:
نه گؤیدن دوشمه، نه یئردن قالخما،
هر شئی تانیش، دوغما…

قارا یئللر آغی اوخویور پنجره‌لرده،
گؤزه دیمیر کیمسه ساکینسیز کوچه‌لرده.
قارانلیق، سس‌سیزلیک چؤکوب هر یانا،
تالعیم قاریشیب سیسه، دومانا.
کولک خزللری داغیدیر، اوینادیر، اوزاقلارا آتیر.
هامی مورگولییر، هامی یاتیر.
بو تنهالیغین اورتاسیندا اؤزومو آسماق ایستییرم اؤزومدن.
چیخارتماق ایستییرم بوز صورتیمی اوزومدن.

بیگانه یالنیزلیغیمدان داغیلمیش دونیامین عصبلری،
اینتیهار حدینده‌کی وارلیغیم
قارانلیق یوخلوغا تلسیر.

قیشقیریرام گئجه‌یه، -
اما تنهالیغیمی دویا بیلمیر او،
هئچ نیی گویا بیلمیر او.

بو پاییز دامی گؤز یاشلاری…
یئنه ده می بو کوچه‌نی او باش، بو باش گزه‌جم،
یئنه ده می سؤیه‌جم هر شئیی،
ایتیریب-تاپاجام اؤزومو،
سیله‌جه‌م الیمین آرخاسی ایله اوزومو…
ییغیلیب بوغازا حسرتیم،
کیرلنیب اوستوم-باشیم.
بوشلا گؤز یاشلارینی کولکلره.
من کی شعیر یازمیرام!
من کی حسلریمی دانمیرام!
گل ائوینه دؤن، عزیزیم، یووانا..
بونلار کؤهنلیب، چوخ کؤهنلیب.
هر شئی کؤهنلیب!
سن ده، من ده کؤهنلمیشیک!