کولت. آز المان ووقارلینین " اما سن یوخسان" شعیرینی تقدیم ائدیر:
اما سن یوخسان

ایلک کز بو شهرده‌یه‌م،
بو شهر سنین شهریندیر؛
یوللارین‌دا ایزلرین،
سسلرین‌ده سؤزلرین،
هاواسین‌دا نفسین وار…
بو شهرین هر یئرین‌ده سن وارسان،
بو شهر سنین شهریندیر.
یانلیزلیغیما لای-لای دئین
کؤهنه گرامافون سسلنیر
یاخین محله‌لرین درینلیینده،
یوخویا دالیب بو شهر
گئجه‌نین مورگوله‌یه‌ن حزینلیینده.
قولاقلاریمدا اوغولدایان کولکلرله دانیشیر
خیاللاریم،
سیخیر منی حسرت دولو،
سورگون دولو سواللاریم.
یاناقلاریمدا یاشلار،
اورییم‌ده ایللر آغریسی،
جیرلریمده ورم….
دارماداغین، پرن-پرن
سنی گزیرم بو شهرده،
اما سن یوخ‌سان!

اؤسکورک کیمی بوغور سن‌سیز آرزولار،
تؤوشوین نفسیم گئجه‌یه، چنه قاریشیر،
حسرت ماهنی‌سی قوپاریر آیاقلاریم توخونان یوللار،
اورک یوخلوغونلا نئجه باریشیر؟!
اما سن یوخسان…
آخی بو گؤروشه گلمدین

سون دفعه ده اولسا، حالیمی گؤرمک اوچون،
دئمک من گئجیکمیشم من
الویدا دئمک اوچون!