کولت. آز قاسیم پناهینین "سن همن می‌سن؟" شعیرینی تقدیم ائدیر:

ساعات، گله‌جه‌یه بیر آددیم
بویلو بولودلارین اینیلتیسیله داغیلیر دوشونجه‌لریمین دامازلیغی
صاباح،
آکسییا کئچیره‌جک بو خییاوان حاقسیزلیغا قارشی

ساعات گله جه‌یه بیر آددیم
اؤکسوز اوشاقلارینین جیندیرین سریر تلفن سیملرینه
سئودیگیم قادین…

آه … ، خزر گؤزلوم
سن همنمی‌سن!؟
روما پالتاریندا یاپدیردی آمریکا هیکلینی
دون
اورمو چؤلونده باسدیراندا دنیزینی
کؤچه‌ری بیر دورنانین گؤزلرینده گئتدی اوره‌گینین پؤسگورتوسو
بوگون صاباح
نم‌هانسی قیطه¹نین محکمه‌سینده
دنیز یانغینی اوچون سوچلاندیریب بؤله‌جکلر گؤوده‌نی…

ساعات، گله‌جه‌یه بیر آددیم
بویلو بولودلارین اینتیلیسینده گیزلنیر هیچ ـ قیرغیم
اؤکسوز اوشاقلارینین جیندیرین سریر تلفن سیملرینه سئودیگیم قادین
بیر آزدان گونش دوغولاجاق خییاواندان