کولت. آز واحید عزیزین "منه یوز ایل عؤمور آرزولامایین" شعیرینی تقدیم ائدیر:

منه یوز ایل عؤمور آرزولامایین

منه یوز ایل عؤمور آرزولامایین -
خزان یارپاغیتک قووماسین کولک،
گؤزلریم گؤرسه ده، آیاغیم - الیم
اسالی اولاندا دایان‌سین اورک.

من یوز ایل عؤمور آرزولامایین –
بو قدر یاشایان هان‌سی چیچک‌دیر؟!
من یاش‌دا قالمیرسا تایتوشوم-تاییم،
قوردنان قیامته قالماق دئمکدیر.

من یوز ایل عؤمور آرزولامایین
یئریشیم، گولوشوم، سسیم ایتمه‌سین،
مندن جاوان اولان، گومراه اولانلار
چینیمده دونیادان کؤچوب گئتمه‌سین.

منه ائله عؤمور آرزولایین کی،
اؤلونجه عمان تک چاغلایا بیلیم،
قاپی - پنجرنی اؤز ائویمده‌کی
اؤزوم آچا بیلیم، باغلایا بیلیم.

تانریدان بیر عؤمور دیلیین منه،
تالعیم سئوگیله باخسین اوزومه،
گؤرسون یاد پایینا شریک دئییله‌م
گرک اولمایان‌دا اؤزوم-اؤزومه،
دئمه‌لی هئچ کسه گرک دئییله‌م!

ساغ‌لیقلار دئینده هردن شنیمه،
نه اؤزوم کؤورلیم، نه سیزه گولوم،
تانری‌دان بیر عؤمور دیلیین منه،
هر واخت سئوه بیلیم، سئویله بیلیم.

منه یوز ایل عؤمور آرزولامایین -
لیاقت، تمیز آد آتیب گئتمه‌سین
دونیایا قالاجاق مالی دونیانین -
کاروانین لعنته باتیب گئتمه‌سین
منه یوز ایل عؤمور آرزولامایین...