Kult.az آذربایجانین گؤرکملی شخصیتلریندن اولان احمد جوادین "قوربان اولدوغوم" شعیرینی تقدیم ائدیر:

قوربان اولدوغوم
بیر خیلی زاماندیر گئتدی، گلمدی،
عهدی پیمانیما قوربان اولدوغوم!
ایستدی جان وئردیم، قدیر بیلمدی،
او شیرین جانینا قوربان اولدوغوم!
دئدیم: آیریلیغا یوخدور تاوانیم،
آیریلیب گئتمه‌سین سروی-روانیم !
بیر داها دؤنمزمی یوسما ترلانیم،
آدینا، سانما قوربان اولدوغوم!
(او تم ایز قانینا قوربان اولدوغوم!)
من هی گؤیه باخدیم، گؤی منه باخدی،
گؤیلره باخماقدان گؤزلریم آخدی!
شیمشک اولدو، آنجاق بیر دفعه باخدی،
باخدی قوربانینا قوربان اولدوغوم!
کؤنول وئرمک ایستر بیر موژده یئنه،
سئوگیلی یوردومون گؤزللرینه!
شعریمه جان وئریب، گؤیلردن ائنه،
او حاق دیوانما قوربان اولدوغوم!
او منیم شعریمین روحو، رواجی،
بوتون گؤزللرین باشینین تاجی!
بیلمزمی کی، اونسوز عؤمروم چوخ آجی،
شؤهرت و شانینا قوربان اولدوغوم!

گؤزللیکلر یاپما، دویغولار جانسیز،
منه تن ائیلییر هر یئتن قانسیز.
آتیلان اوخلاردان چیخ گل زیانسیز،
نام و نیشانینا قوربان اولدوغوم!
بیر گئجه یاتمیشدیم غملی، موکددر.
قلبیمی سیخیردی سونسوز فیکیرلر.
بیردن گونش دوغدو، آچیلدی سحر،
باخدی گؤزلریم او قومرال گؤزلر!
سسیمه اویاندیم، بومبوش بیر اوتاق،
داغلارم قارینا دؤنموشدو یاتاق.
عشقیمه، دویغوما یوخدو بیر اورتاق،
بو ایگی دونیادا ایختیلات قاتاق!