Kult.az گونئی‌لی یازیچی رقیه کبیرینین "کورلوق"( محدودیت) یاساقلیق(ممنوعیت) آنلامیندا دئییل!

بویون سحر بیر تک دنه خرمانی دؤرد یئره بؤلوب، تامسینا- تامسینا پنیر چؤرک ایله یئدیم.

دیابت بوتون آنلامی ایله یعنی یئمکدن کورلوق چکمک، یعنی سئودیین یئمک‌لره تامارزی قالماق؛ اونا گؤره ایکینجیسینه أل اوزاتمادیم، آمما او ایکینجی خرمادا گؤیلوم قالدی. ها ویرنیخدیم، او ایکینجی خرمانی یئمه‌یه منطقی بیر یول تاپانمادیم. دییه‌سن او خرمانی یئسه‌ایدیم منی جنت باغیندان ائشییه سالاجاق‌ایمیشلار. اؤزلویومده دئدیم: کورلوقلارا گؤز یومدوغوموز، لاپ ائله یئمه‌دیییمز او خرما کیمیدیر. گاهدان بو کورلوغو حوکومت یارادیر، گاهدان عرف، گاهدان دین، گاهدان عایله، گاهدان دا بو کورلوقلار اؤزوموزدن آسیلی اولور، بونا باخمایاراق بیزیم چکدیییمیز هر هانسی بیر کورلوق، دینی کیتابلاردا یازیلمیش، ایوب پیغمبرین چکدییی کورلوغا بنزه‌مز؛ بونونلا بئله بیزلر کورلوقلارین تامارزیسیندا قالیریق.

بو یازینی یازیرکن او قاپ‌قاره، شیپ‌شیرین خرما ابلیس کیمی گؤز چیخارتمیش، منی گودور، دییه‌سن منی سیناییر...

اؤزلویومده دئیرم: مه‌یر آدام نئجه دفعه جنتدن قووولار!...