کولت. آز ووقار نعمتین "خاری بولبول" حکایه سینی تقدیم ائدیر:

(آزربایجان شیفاهی خالق افسانه‌سی)

آزربایجانین قدیم شهرلریندن بیری اولان شوشادا، آدینا خاری-بولبول دئییلن بیر گول واردیر.

روایته گؤره، بیر گون بولبول اؤز سئوگیلیسی گولون گؤروشونه گئتمک ایسته‌دییی واخت برک بیر کولک اسیر. کوله‌یین مقصدی گولو بولبولون گؤزلری قارشی‌سیندا آلچالتماق‌ایمیش.

کولک اؤز گوجونه، قوووه‌سینه حددیندن آرتیق گووه‌نیرمیش. او اسنده، حرکته گلنده‌، عالمی توزاناغا بوروینده بوتون جانلی‌لار اونون قارشی‌سیندا أییلرمیش، موقاویمت گؤسترمک ایسته‌ین‌لری نئچه یئره شاخ-بوداق ائله‌ییب یئره سالیرمیش.

بیر گون یئنه کولک وار قوووه‌سی ایله اسیرمیش. نهنگ چینارلار، اوجا سرولر، سالخیم سؤیودلر اونون قارشی‌سیندا دؤنه-دؤنه أییلیرمیش‌لر. یالنیز، ظریف، گؤزل و عطیرلی گول کوله‌یین آزغین‌لیغینا، ظولمونه تابع اولمورموش. بونو گؤره‌ن کولک حئیرته گلیر:
- ائی اینجه، ائی جانسیز گول! سن هانسی جسارتله منه باش أیمیرسن؟ سن بو گوجونو هارادان آلیرسان؟!

گول ایناملا جاواب وئریر:

- محببت'دن! محببتین گوجو یئنیلمز اولور. سئون ووقارلی اولور، او هئچ کسه باش أیمک ایسته‌میر. من بولبولو سئویرم. اونون
صاف محببتی منی باش أیمه‌یه قویماز.

- باخاریق، گؤره‌ریک!.. سن محببتینی سینا، من ده نیفره‌تیمی...

کولک بو سؤزلری دئییب کوکره‌ییر. ائله بو واخت بولبول سئوگیلیسی گولون گؤروشونه گئدیرمیش. کوله‌یین غضبی ایسه یئره-گؤیه سیغمیرمیش. ظریف اوتلاردان توتموش فیل گؤوده‌لی آغاجلارا قده‌ر اونا باش أییردی. گول ایسه اونون زوراکیلیغی قارشی‌سیندا أییلمیردی. آرتیق گول سون قوووه‌سینی توپلاییر. آنجاق، اونون موقاویمتی توکنمه‌یه باشلامیشدی. چونکو او تک قالمیشدی. کئشکه بولبول یانیندا اولسایدی!..

گول، بیر یارپاق أییلدی. کولک غلبه‌سیندن سئوینه‌رک داها برکدن اوغولدادی. بیر آز دا قالسا، کولک گولو اؤز گوجو قارشی‌سیندا ایکی قات ائده‌جکدیر. بولبول اؤزونو واختیندا گولون هارایینا چاتدیریر. او، سینه‌سینی یاواش-یاواش أییلن گولون کؤکسونه سؤیکه‌ییر. کولک داها دا حیددتله‌نیر. بولبول گولون آزاجیق أییلن قامتینی دوزه‌لدیر. آنجاق کولک مؤحکم ایته‌له‌یه‌رک گولون خاری تیکانینی اونون سینه‌سینه سانجیر. بولبول محو اولورسا دا، بیر آددیم گئری چکیلیب گولو أییلمه‌یه قویمور. ائله همین واختدان اؤزونو سئوگی و محببت اوغروندا فدا ائدن بولبولون جانی گولون لچه‌یینه هوپور.

گولون آدی خاری-بولبول قالیر. گول، خاری بولبول گؤرکمینده گوللر آچیر. گولون بیر لچه‌یی اوسته ائله بیل کی بیر بولبول یاتیب.