kult.az امینه یوسیف قیزینین "بو بیزیکمی؟" شعیرینی تقدیم ائدیر:

تالعین‌دن قاچا - قاچا اؤگئیلشن ،بو بیزیکمی ؟
عؤمرون چتین آنلارین‌دا هئی ووروشان، هئی اللشن ،
بو بیزیک‌می ؟
سئن اویاندا، من بویاندا ، قاچا- قاچا ، قووا- قووا ،
سو جیله‌ییب بیر آلووا توستولنیب ، سؤنه -سؤنه ،

بو بیزیک‌می ؟
گئده- گئده، دؤنه- دؤنه،
بو بیزیکمی ؟
دوست اولوب، دوشمنه دؤنه‌ن ،
بو بیزیکمی ؟
آلووالانیب بیردن سؤنن .
سن هارداسان ،من هاردایام ؟
باشیمیزا نلر گلدی ؟
نیفرت ایتی خنجر کیمی سئوگینین باغرینی دلدی ،
بو بیزیکمی ؟
اؤزون سؤیله ، من تالعه نئیلمیشدیم ؟
دوشوب عؤمرون سیناغینا سن دییشدین ، مئن دییشدیم
من تالعه نئیلمیشدیم ؟
آرالاندی بیرگه یوللار ،
پوزوب عشقین وفاسینی ، اؤزگه‌سینی قوچدو قوللار ،
بو بیزیک‌می ؟
عؤمرون شیرین آنلارینی بیرگه سووورموشوق یئله ،
بو بیزیک‌می ؟

ده نه اولدو بیزه بئله ؟
آیریلانلار قوووشدولار، کوسولولر باریشدیلار
بیز ایسه سیغا بیلمدیک بیر آرزویا ، بیر دیله‌یه
بو بیزیکمی ؟
قلبیم منی چتین دویا ،
یاشاییریق نئجه گلدی .

فرقی یوخدور، اؤلوم جیخیش یولو بیزه .
گوندوز گلدی ، گئجه گئلدی ، فرقی یوخدور ،
بو بیزیکمی ؟
آزیب قالدیق بو تالعین دومانیندا ، چیسکینینده .
ایتیرمیشیک سئوگیمیزی ، غم اوخونور گؤزوموزدن ،
بو بیزیک‌می ؟
خبرداریق بیز هر شئی‌دن ، خبرسیزیک اؤزوموزدن .