کولت. آذ حاجی مایل علیئوین "قالمیش‌دیر" ردیفلی غزلینی تقدیم ائدیر:

دیاری-عشقی سانمین کی، بو گون ویرانه قالمیش‌دیر،
گئدیب مجنون ایله فرهاد، فقط، افسانه قالمیش‌دیر.

دئمین مجنونو بی واریث کؤچوب گئتدی بو دونیادان،
اونون نسلیندنم: یوردو، منی-نالانه قالمیش‌دیر.

منیمله بحث ائد‌ن بیر کس تاپیلماز کی، آچام میدان،
منه مانند بیر آشیق، فقط، پروانه قالمیش‌دیر.

چکین زنجیره هر یاندان منی، دیوانه ای-عشقم،
دئسین لر، مرحبا، عشق ایچره بیر دیوانه قالمیش‌دیر.

بیجادیر زهری-درمانین طبیبا! ائیله‌مه تکلیف،
ییخیلسین، اؤلسون اول آشیق ایشی درمانه قالمیش‌دیر.

منه اوز وئرسه یوز مؤحنت علاجین ایسته‌مم، امما
بودور دردیم کی، دیلداریم منه بیگانه قالمیش‌دیر.

جهان مولکون‌ده بیر واریم اگر اولموبسا دا مایل،
فقط عشق اهلینه مندن بئش-اون دوردانه قالمیش‌دیر