چاناققالا بوغازیندا گمیلرین حرکتی دایاندیریلدی
25 آپرئل 23:26
آنا صحیفه ادبیات |
Kult.az واقیف بایاتلینین "سنی سئومک ایستییرم" شعیرینی تقدیم ائدیر:
دونیانین ان گوجلو آدامی
اولا دا بیلمرهم،
اولماق دا ایستمیرم.
ایستهمیرم بیر کیمسه
منیمله قورخودا بیر کیمسهنی.
دونیانین ان وارلی آدامی
اولا دا بیلمرهم،
اولماق دا ایسمیرم.
منه ان بؤیوک دونیا واری
قاپی،پنجرهسی آچیق
اوزو-گؤزو گولهن بیر آلاچیق!
من سنی، من سنی
دونیادا هامیدان چوخ
سئوه ده بیلمرهم،
سئومک ده ایستمیرم،
چونکی آنجاق یالاندان سئوهنلر
هامیدان چوخ سئویرلر.
من سنی ساکیتجه، یاواشجا
سئومک ایستییرم.
سئومک ایستییرم تانریدان یازیلان تک،
بیر بالاجا قوش
اؤز بالاجا یوواسینین
کونجونه قیسیلان تک
تاریخ
2020.07.01 / 13:27
|
مولف
آینوره مممدووا
|