Kult.az گونئی آذربایجانین گؤرکه‌م‌لی عالیملرین‌دن اولان عزیز دؤولت آبادینین "بخت اولدوزو" آدلی غزلینی تقدیم ائدیر:

بیر چیلله ده بخت اولدوزو منله ایاق اولدو
دوشموشدوم ایاقدان یئنه بئش گون دایاق اولدو
بختیم یاتالی، کوردا منیم عیبیمی گوردو
گیزلین سوزومو کاردا ائشیتدی، قولاق اولدو
شادلیق منی ترک ائیله دی بیلمم هارا گئتدی
کونلوم ائوی غم-غصه یه راحت یاتاق اولدو
خوشبخت مینن یابی چاپیب مقصده چاتدی
بدبخت سوره ن آت دا ییخیلدی چولاغ اولدو
تسلیم مقامیندا تیکانلارذا گول آچدی
رحمت یاغیشی قیشدا یاغیب داغدا، باغ اولدو
گوردوم یاریمی گوزلریمین نورو چوخالدی
محفلده یاتان شمع، منه شاهچراغ اولدو.
جانانه طوافینداملکدن قاناد آلدیم
معراج مقامیندا، خیالیم براغ اولدو
عرفان منه خضر اولدو، "فنا فی اللها" چاتدیم
درد اولدو دوا، یاد دامنه قول-بوداق اولدو
جان گوزلرینده زحمتی رحمت کیمی گوردو
سینا یئلی اسد یکجه قارا بختیم آغ اولدو
جانانه یه (درویش) کیمی جانیمدا یئر آچدیم
چاتدیم وصالا شکر اولا هجران اوزاغ اولدو.