کولت آذ .محمود نعمتی‌نین"حاق دیلیجه" آدلی شعرینی تقدیم ائدیر:

ائلدن ائله آغیر درده قالاندیم
شاعیر اولدوم حاق دیلینه جالاندیم
درده دوشدوم ناحاق یئرده تالاندییم
یالان اولدوم آلچاقلارین زندینه
زیندان اولدوم بودنیانین بندینه

چاخیر اولدوم ،مئی ایچنی اویدولار
آغاج اولدوم دار یئرینه قویدولار
عرفان اولدوم معرفتدن سویدولار
من بیله نی حاق بیلنلر ،بیلدیلر
سئوگی یولون ناحاق یئرده سیلدیلر

درین درین قارا یولدا سؤکولدوم
مرحَم اولدوم یارالارا تؤکولدوم
خزل خزل خایاللاردا بوکولدوم
خازان اولدوم تومجه لره آزیْلدیْم
آجی باسدیم ،یالانلارا یازیْلدیْم

من سئودانی خس خزله قاتمادیم
یاپراقلاری هر پاییزا ساتمادیم
مین بیر اؤلدوم دیریلدیکج‍َک یاتمادیم
من حق اولان، ناحاقلارا یاراندیم