کولت آذ گونئی‌لی شاعر اوستاد آیریلمازین"ایناندیردی سئهاه" آدلی شعرینی اوخوجولارا تقدیم ائدیر:

یئنه یاتمیشلاری قفلتدن اویاندیردی سئگاه.
بیر«موخالیف» له موخالیف لری قاندیردی سئگاه.

قوچ«کوراوغلو» اوخویوب سازی دانیشدیردی«نیگار»
«زیل موخالیف» کیمی دونیانی تالاندیردی سئگاه.

صوت داوودیله سیندیردی «حاصار»ین قالاسین.
اؤز حالال اولماغینی خالقا ایناندیردی سئگاه.

«اینجه بم» لن اوخویوب« قوشما» ائدیب«مویه»«نوا».
عئشق کاروانینی «زابول»دا دایاندیردی سئگاه.

گاه سؤزون«بم»له دئییب گاه سسین چکدی «زیله»
«سئوگی» آهیله آشیق قلبینی یاندیردی سئگاه.

«قملی»«قملی»اوخویوب هر گئجه آیریلماز اوچون.
گؤزلریندن اوزونه یاشی جالاندیردی سئگاه.